ويش السبب يا ترى ؟

السلام عليكم ورحمة الله وبركاته
مشكلتي باختصار :
انا حامل بالشهر السادس لي فيه 10أيام
امس كنت عند الطبيبه وقلت لها عندي مغص ( ألم دوره)
خفيف ،، لكن يجي ويروح ما يستمر معاي
وعلى طول حولتني على الاشعة التلفزيونيه وقاست لي الطبيبه عنق الرحم
لقته مفتوح 3مل
دكتورتي زودت لي جرعة المثبتات (اليوتوبار) نص حبة كل 6ساعات،،
والراحة التامه ،، ومفيش جماع خالص ،، ووووووو
وقالت لي اذا زاد عندي الالم بتنومني وتحطلي مثبت على الوريد ،،
ومراجعتي كل اسبوعين ،،
لكن اللي خايفه منه انا لا يحصل توسع اكبر وانا ما ادري
واولد مبكر مثل بنتي البكر ،،
جبتها بالاسبوع 28


أسلتي هي:
شنو سبب فتح عنق الرحم ؟؟ وهل ممكن يتوسع اكثر
وهل ممكن يتسكر الين ربي يتم لي حملي،،
وهل ينفع الان اسوي ربط عشان أضمن ،،؟
ولا تكفي المثبتات ،،؟؟؟
وهل النفسيه ممكن تساعد ان الرحم يتقفل ؟؟

نفسيتي زففففففت ودموعي اربع اربع حتى ما قدرت اخذ واعطي مع الدكتوره
قلت مالي الا الله ثم انتوا،،


لاتخيبون الرجا فيكم ،،
قولوا لي شسوي ،،
من تعرف احد مر بهذي الحاله وربي تمم لها الحمل

يابنات الولاده المبكره عذاب ،،
يطلع البيبي ما اعرف اهتم فيه ،، صحته ما تساعد للرضاعه ولا الاكل ولاشييي،،

الحمد لله ربي نجا لي بنتي وما حصلت لها مضاعفات الخدج
لكن نموها متأخر لكن المهم عافيتها وصلاحها انشاءالله ،،

تدرون ويش اللي خوفني أكثر
انها قالت لي عندك ولد
وانا خايفه اولد مبكر وما يعيش
لانهم يقولون الولد ما يعيش مثل البنت
البنت تتحمل الاكسجين و الحضانه
،،،،،،،،،،

الله يكتب لي اللي فيه الخير
دعواتكم قبل اجاباتكم ،،



ومشكووووووورين ،،،