السلام عليكم
الله يعننا على العيد مشترياته
انا عندي ست اطفال الله يبارك لي فيهم ...قبل العيد باربع او خمس شهور اكون مخصصه لكل منهم مبلغ علشان اقدر اشتري لهم كل الاحتياجات ...وابدا اشتري لكل اثنين يعني اول شئ الاولاد كم بدله واكيد ماركه اخذها اهم من نكست ولا مذركير وعليهم كم دشداشه يصيرون ثلاث بدالات ودشداشنين لكل واحد والبنات افصل لهمن كل وحده مخور وفستان للعيد وعليهم كم تنوره وبلوزه ولا بناطلين جينز... يصير لكل وحده ثلاث بدلات سواء ببنطلون ولا تنوره على ثوبين
دوري جلابيتين مخوره وافصل تنورتين واشتري بنطلون جينز والبلايز اخذهم جاهزات لاني اخذ نص كم او كت واحيانا افصل لي بلوزه بس افضل الجاهز ... وطبعا الشنط والاحذيه بروحهم شغلانه والعطر والشيل وال وال
الله المستعان مادري ليش نحن غاثين انفسنا...
وزوجي مو كانكم نسيتوووووووووووه ... اشتري له ملابس داخليه ...وشماغ هديه مني ... انتوا بكرامه اخذ له نعال ... وعطر ... لاني ادري انه بينسى نفسه وبينشغل بمشتريتنا ...الله يخليه لي ولعيالي
وسلامتكم
وكل عام وانتن بخير

احب بالاعياد اكون انيقه وشيك بس غير متكلفه مره يعني تنورتين من برمودا او من مانقو واطقم معهم بلايز واذ اخواني بيجون برمضان اوصيهم يجيبون لي من برا علشان اصير غير شكل بين البنات :D
ومن نكست اخذ لي جنز لطلعات الملاهي بالاعياد وغيرها

والاكسسوارات من اي محل حلو اما الجلابيات امي تجيها لي وذوقها بالجلابيات لا يعلى عليه توصي فيها من الكويت او البحرين وتطلع تجنن :)

وووبس وكل عام ونتم بخير مقدما ً :)

<<<<<<<<<<<<<<< ,ياليت بعد نلقىىىىىى

انا احب في العيد البس اطقم مختلفه يعني في الصباح جلابيه كشخه وفي العصر تايور وفي اللليل فستان

ياحليلك يا أم البطل مشكورة على الإجابة :) أما أنا فأحب أدور من البداية على ( طقم ) كامل متكامل زي تايور أو حتى تنورة وبلوزة لكن يكون شي مناسب للعيد ، لأن كذا أرتب وأحسن من اني ألففف الأسواق في الوقت الضيق المخصص للسوق
وإذا مررة مرة مالقيت خلاص ألبق تنورة على بلوزة أو بلوزة طويلة على بنطلون ويكونون مناسبين وينتهي الموضوع لكن لازم روحة ثانية عشان باقي المحلقات :) وهذا اللبس ما ألبسه إلا في صباحية العيد وصباح ثاني العيد للسلام على الأهل
وبصراحة أنا ماأشتري من بعض المحلات زي زارا ومانغو و هالأشياء المعروفة لأن بصراحة أخاف ان يكون أحد لابس مثلي ! ممكن من تيرانوفا أو غيره .. أما عيال اخواني الصغار فيشترون لهم من محلات من ماركة لأن تكون النوعية أحسن وأجود وأمي الله يحفظها :) تفضل التفصيل غالباً :) وسلامتك :)
ويا فاتن وبس قولي لنا كيف ما يصير أحد لابس مثلنا ؟؟ :)