ويعدين مع طلبات الفنيه؟

يابنات انا خلاص باتجنن من معلمات الفنيه ايش ذا وربي لو اني جالسه على بنك ايش هالطلبات اللي لها اول ومالها اخر لمتى واحنا كل اسبوع مرتين واحيانا ثلاث مرات واحنا رايحين جايين على المكتبات والاسواق علشان هالاعمال الفنيه اللي ما استفدنا منها شئ بس خساير على الفاضي واللي يزيد الطين بله انهم ما يعلمونهم شئ عملي بس سوو كذا وسوو كذا وجيبو كذا وكذا والام المسكينه كل شئ على راسها واليوم اللي يكون فيه فنيه انكد يوم في الاسبوع ففي ذلك اليوم المشؤوم وهو يوم الفنيه يبدا مسلسل النكد بدايه من البنت وزنها على الام وانه لازم هذا العمل يتسلم في وقته ولا بتصير مصيبه ونواح وبعد هذا التهديد من البنت بضغط من المعلمه طبعا يبدا الاستنفار وتبدا الام بتسجيل الطلبات في ورقه تمر بها على كل بناتها وتروح للأبو وتقدم له قائمة الطلبات عشان يعطيها الفلوس طبعا وتتلقى في مقابل ذلك الموشح اللي كل مره ايش هذي الطلبات؟وكل يوم طلبات؟واحنا نصرف على المدرسه والا ايه؟ومن هالكلام وكأن هالام هيه اللي طالبتها وبعد ماتخلص الام من الاب والموشح حقه تاخذ الفلوس وتروح تدور على ولدها عشان يشتريها وكمان الولد مايقصر صياح ونياح والله يلوم اللي يلومهم وبعد ماتجي الطلبات تبدا المعاناه الثانيه لان البنت ماتعرف شئ لان الابله طبعا ماكلفت على نفسها وعلمتهم ويالله تروح الام وبنتها تدور على الدرس في الكتاب وتحاول انها تفهمه وتطبقه عشان يعجب الابله والله يابنات اني كنت اسهر على الاعمال الفنيه حقت بناتي الين الفجر ايش هذا الظلم والتسلط المفروض ان الابله تجيب الخامات وتشرك البنات معاها في العمل في الحصه وتعلمهم في الحصه وخلاص انتهينا ليش يطلع العمل برا المدرسه ليه عشان ترتاح المعلمه ولا ايه وانا متاكده ان الابله عارفه ان العمل هذا مهو عمل البنت لانه واضح انه عمل شخص كبير لكن هذا الشئ مايهمها البنت عملته ولا امها عملته مايهم اهم شئ لمن تجي اخر السنه تلقى معرضها مليان والاهالي هم الضحايا (اخر طلب لبنتي اللي اولى ثانوي اليوم ولسه طازه عدد سته عشر متر من قماش السدو حق الخيام شكلها تبغى تبني خيمة الجنادريه على حسابي)بالله ايش رايكم؟