ويــه .. طقّتنِي بعِين !!
السَلامُ عليكُم
أسعَد الله أوقاتكُم بكُل خير
:a_smil08::a_smil08:
بدايَةً .....
دائماً نسمَع : ويه .. طقّتنِي بعيِن ،، عينٍ عالنبِي ما صلّت .............الخ
صَحيح العينُ حَق ، والرسُول صَلى الله عليه وسلَم أمرنا بالذكر عشَآن نحصّن نفسنَآ من الشرُور
واللي من ضمنها العِين ،
وإن الواحد لازم يتحصّن .......... الخ من الكلام اللي كلّنا صامّينه عن ظهر قَلب
لكن معلييييشش ،، !! أشُوف هالشيء زايد عن حدّه بالمرّه ،،!!
رثعَت بنتها قالت عين .. حسدُوها نشيطَة !!
وجعتها يدها وبدُون لآ تفحَص وبدُون لاتشُوف هِي وش مسويّه بهاليد المسيكينَة
قالت عين ..الحريم عجبهُم طبخِي !!
انكسر مناكيرها قالت عين .. فلانة عجبهَا !!
أعُوووذ بالله ....مَرض ورّبي !!
أدرِي والله إن العين ماترحم ويآما ناس دخّلتهم قبُورهم ،، !!
بَس معليش الشيء لازاد عن حدّه قلب ضده هذي اسمها ياعزيزتِي ،،!!
قبل فَترة صَار لِي موقف وهُو اللي خلاّني أتحمّس أنزل عنّه هالموضُوع
والمِشكلَه إنه من وحدَة قررريبَة لِي حيل :"(
بَس فعلاً هالمواقف كفيلَة إنها تعطِي درُوس للشَخص وحتَى إن كان مُو هو الشخص السَلبِي بالموقف .
كنت أسُولف معها وكانت تشاورنِي بسالفَة لبسَها وكذا وإنه بيجونهُم ضيوف
قلت لها ماشاء الله عليك مُزّة لا تنسِين الأذكار
قالت أنا أقرأ على نفسِي حتّى منّك بمعنَى كلامها وطبعاً بطريقَة غير مُباشرة
لاكن المغزَى وصل .
تعرفُون احساس اللي هُو خيبَة ! ولاجت من اللي تعزّينَه بعد
لاكن أحّس إنّي استاهل !! ودَرس لِي بَعد ...... تَدرون لِيش ؟َ!
لأنّي أنا اللي جنيت علَى نفسِي بهالشيء بأسلُوبِي ...عارفِين كيف ؟!
بكل بَساطة إذا شفتها مغيرَة طريقة مكياجها أو قآصّة شعرها أو .. أو ...، أحب الفت لَها
إن لي عين تتذّوق الجمال وتقدّر التغيير :
ماشاء الله حلوَة عليك رسمَة الكحل هذي عليك
ماشاء الله حلُو عليك هاللُّون
طلّة أميريّة اليُوم
حلوَة البنت قمَر لا اله الا الله ، ماراحت بعيد عن أمها ....الخ
وهذا أسلُوبي تقريباً مع الغالبيَة اللي أمُون عليـهم طبعاً
مو عَن فجاعَة والله ......لاكن مثل ما أحب لنفسِي ومثل ما أحب إن غيري
يلتفت لهالشغلآت اللي جالسَة أزينهَآ وأعتبرَه شيء من الاهتمام
بالمٌقابل أعامل غيري فيـه
ولوهلَة حسّيت إن الخلل فِيني أنا وبتعامُلِي .....لاكن الخلل الخلل إني ماحطيت
هالأسلُوب بمكآنَه المُناسب !
لأن الناس الحيِن للأأسَف صايرَة تقدّم سُوء الظن دائماً
علَى حُسن الظّن ..و تبرّر علَى كيفها نويا غيرها بدُون لاتدرِي وش المقصد من أي تصرّف صادر !!
فالأحرَى على الوآحد هالأيّام إنّه يبعد عن الشر ويغنّي لَه علَى قُولتهم
بلا مايدخل نفسَه في ظنُون غيره
وأرجَع للمحوَر الأساِسِي حَق الهلوَسَة والوسوَسَة هههههههههههه عجبنِي الاسم
الزبدَة .. إلى متَى بنتعامل بذاك الأسلُوب الأبلَه
وإلى متَى بنقابل هالنماذج ونظطر نتعامل معهُم ونسايرهُم !!
وإلَى متَى كل ما جاملنا احد ونطقنا قالوا عين !!
خُذوا الموضوع فضفَضة + نقآش
انا..انا @anaana_5
محررة
يلزم عليك تسجيل الدخول أولًا لكتابة تعليق.
الماسة زهرية
•
والله جيتي على الجرح والمشكله من مين ؟؟؟ من اخواتك !!!!!!!ونسيوا ان الله خيرا حافظا وقبل كل شئ الواحد لوشك بنفسه تعبان يروح يفحص طبيا اذا مافيه سبب واضح يروح يرقي نفسه ويحصنها احسن له من سوء الظن بالاخرين
الصفحة الأخيرة