mesrable @mesrable

عضوة جديدة

ويلااااااه ..ضاق الصدر .. وربي مليت .. ادخلوا الله يرزقكم الجنة

آااااااه ....
مشكلتي مشكلة أي وحدة فيكم .. لكن تختلف باختلاف الزمان والمكان .. والنهاية طبعاً ...
مشكلتي بدت من لما كنت صغيرة .. والكل يعرف شو يعني الصغر .. يعني الدلع ولدلع والدلع ..
ومن هني بدت مشكلتي ..

كنت من أنا صغيرة دايماً هالشيبس والبيبسي ما يفارقني ..
كنت لمن أجووع وحتى لو كنت ماكلة قبلها بفترة قصيرة أرجع وآكل ثاني .. ومحدن كان يقول لي شي ..
كانوا مخليييني أملي هالبطن .. وفي النهاية طبعاً .. صرت هذيك الطفلة الدبدوبة اللي كل طفل بسنها يشوفها يسبها
ويشمت فيها .. كنت صغيرة .. ومستحيل هذاك الوقت انه يخطر ببالي فكرة الدايت والريجيم ..
لكن مع الوقت صرت اشوف كل اللي بسني يطلعوا ويلعبوا ويسووا اللي خاطرهم فيه ..
أما أنا .. !!!! .. ما كنت أقدر .. ببساطة لأني مب بنشاطهم ..
كنت كل ما اقول لأمي ابغي أطلع واتمشى بالفريج تمنعني .. لأنها كانت تخاف عليي من اليهال .. لأنها كانت متأكدة
انهم بيقعدوا يضايقوني ..
رغم ذلك .. كنت أركض .. وألعب في الفريج .. وأسبح في البحر .. ونلعب الغميضة وغيرها ... بس طبعاً كل هذا كان
في أحلااااااااااااااااامي ... ويمكن اذا فكرت أستانس .. أستانس مع ألعابي ...
مرت السنين وكبرت .. وهني بدأت مشكلة الملابس ...
لما كنت صغيرة ما كانت الملابس تأثر فيني .. لأن أهلي باختصار كانوا يلبسوني ملابس لأعمار أكبر من
عمري أصلاً .. لكن الحييين بدأت المشكلة وهي اني أحصل ملابس على قياسي ..
طااال عمركم .. وزني ما كان بالدرجة اللي تتخيلوها .. بس لبنوتة في عمري فأكييييد بيكون في خاطرها انها تلبس
بدلات وتيشيرتات مثل باقي البنات .. لكن للأسف مثل هالأشكال ما كانت تليق عليي .. كنت دايماً حبيسة الجلابيات .. وفي خاطري مرة وحدة بس ألبس تيشيرت أو بديهات مثل هالبنات والناس .. لكني كنت أكتمها في نفسي وأسكت ..
بديت مشوار الريجييييمات من أنا وعمري 13 سنة ... ما ادري اذا تعتبروه عمر مبكر ولا لا .. بس كان متعب وممل هذيك الفترة لكني حاولت قد ما اقدر .. وبديت أخسر وزن وطبعاً بديت أستانس .. كانت امي كل ما تشوفني انقص تروح تشتريلي تيشيرت كيوت على أساس انه بيي اليوم اللي بقدر البس فيه هالتيشيرت .. وكنت أنا متحمسة أكثر منها .. كنت كل ما انقص كيلو .. اركض واقيسه .. عل وعسى ييجي على مقاسي .. لكن في النهاية يتم التيشيرت في الدولاب وما اقدر ألبسه .. وأتم أتحسر على نفسي وعلى هالجسم اللي ابتليت فيه ...

كنت أحاول وأحاول وأحاول بهالريجيمات .. وكنت أنقص .. لكن كان فيه شي واحد ما يخف فيني وهو الكررررش ....

بديت أسوي تمرينات لتخفيفه ... في البداية الصراااحة عطت هالتمرينات مفعول .. وكنت أحس بتقلصات في الكرش .. وسمعت ان هالتقلصات اشارة إلى انه التمارين تسوي مفعولها .. لكنني بديت أبالغ بشكل كبير في هالتمارين بهالمنطقة ..

مع الوقت ما عدت أحس بالتقلصات في البطن .. ومهما سويت من تمارين ما يتحرك هالكرش من مكانه .. وبعدها قريت في المنتديات ان كثرة التمارين والضغط على الكرش يعطل عضلاته ويبطل ينشد ...

قلت لا .. مستحيل .. وكل مرة والثانية أحاول ومافي فايدة ..

ولليوم بعدني أحاول يمكن أستفييد وافتك من هذا الكرش .. لو تعرفون بس .. بامكاني اني البس الملابس البناتية واستانس مثل الخلق والعالم بس لو قدرت اشل هذا الكرش .. لأن الصرااااحة بدون مبالغة .. شكله فظيييييع ...

حرام والله .. كل مرة أشوف اختي تلبس وتكشخ وتطلع بأحلى حلة .. وأنا أتم بجلابيتي العادية .. أرثي لحالي .. وأتمنى تصير معجزة تنحفني ... للعلم بس .. الحين عمري صار 19 .. ولسه أحاول بهالريجيمات وماشي فايدة ..
الفايدة الوحيدة من هالريجيمات .. اني تعلمت ما آكل وايد .. بس حتى قلة الأكل ماعادت تأثر بوزني ..
وللعلم .. كل اللي يشوفني وأنا آكل يستغرب من أكلي ويعتبره شووووووي .. بس كيف أسمن ؟؟ .. الله أعلم ...

أدري بعضكم إذا مب معظمكم بيقول شو هالبنت ؟؟ مشكلتها سخيفة وكبرتنها عالفاضي !!! .. بس فعلاً فعلاً لو ما كانت مأثرة فيني ما كتبتها لكم ...

السموحة منكم عالإزعاااج ..

أشكر كل وحدة فيكم قدرت توصل لنهاية موضوعي .. أنا ما كتبته إلا من القهر اللي فيني ..

يمكن هذي أول وآخر مشاركة لي في المنتدى لأني كنت أبغي حد يسمعني ..

والحين بس بغيت دعوة حلوة منكم اني أنحف .. ويخف كرشي ..

والله يجزااااها الخيييير اللي توصفلي طريقة أتخلص فيهاا من هالكرش ...

طلبتكم .. يمكن هذا هوا الطلب الأول والأخير .. لاتردووووني ....

يلزم عليك تسجيل الدخول أولًا لكتابة تعليق.

تسجيل دخول

Belief • 15 سنة

يا حلوه يا كيوت أنا مثلك عمري 20 سنه وزني 85 قبل هالحين 65
شوفي هذا الرابط حق موضوعي أقري صفحات موضوعي يمكن تأخذين من خبرتي وارادتي

أول ما بديت رجيمي أقنعت نفسي تدرين وأشلون ؟؟؟
بديت أقرا صفحااااااااااااات المواضيع صفحه صفحه
بعدها عقلي أقتنع بالرجيم وقلت خلاص الين متى و هذا حالي

وأقري هذرتي اللي بموضوعي

http://forum.hawaaworld.com/showthread.php?t=1840802

وأنا راح أساعدك صدقيني ومبي منك ولاشي يكفيني أنك تكوني مبسوطه

أنتي لو كنتي عصقوووله وعندك كرش أهون من دووووبه وعندك كرش

فهمتيني نحاول نختار الاهون دائم وتاكدي مافي شي مستحيل

:)

اخت الرجال 555 • 15 سنة

الله يخفف عنك ونتى بصحه وعافيه
جربي خلطة الزنجبيل والشاى الاخضراء واكمون والنعناع
ادهنى بطنك بخل وزيت زيتون
امشى وسوى رياضه
وهم شئ حولى تشدين بطنك على جوى وستغفرى عشر مرات ثم ارخى وكررى العمليه 10مرات فى اليوم بعدين خلى نية الاستغفر بان الله يخفف عنك
ويليت تضلين معنا فى المنتدى وتستفدين من تجارب البنات
ادعيلى

p!nk×p!nk • 15 سنة

بسم الله الرحمن الرحيم

اهلين حبيبتي قرأت الي كتبتيه كله وحاسه فيكي كتييييييييير لأنه قصتك تقريييييييييبا زي قصتي عمري 19 وبعاني من السمنه ......بس حاليا انا بعمل رجيم بخلال اسبوع نقصت وبان عليا والكل لاحظ رجيم الاناناس والكيوي انتي جربيه لمدة اسبوع وشوفي لو ناسبك ....

اما من ناحية الكرشه في رجيم خاص للكرشه حلو وسهل من دكتور والي هوا
الافطار :
اي فاكهة بس يفضل فواكه بعيده من السكر مثل (التفاح والبرتقال والكمثرى والاناناس والكيوي والحبحب) وابعدي تماما من (الموز والمانجاوالعنب)

الغداء: بيضتين مسلوقتين وطبق سلطه متوسط

العشاء: زبادي وحليب من غير سكر الرجيم منقول حبيبتي

وان شاء الله انا وانتي ننحف ونلبس الي نبغاه العيد قرب وانا هنا للمساعده ولا تشيلي هم رح ننحف ان شاء الله بس خلي عندك عزيمه وانا وياك.........:)

احلى غراام • 15 سنة

ياعمري والله قطعتي قلبي --الله يكون في عونك بس كم كان وزنك وانتي صغيرة؟ والحين كم وصلتي
انتي التزمي بنظام صحي - وسوي تحاليل شوفي ايش سبب زيادة الوزن عندك --

لمار2006 • 15 سنة

من كل نوع ملعقة اكل
شاي اخضر
كمون
زنجبيل
نعناع
في ترمس وماء ساخن زي ماتسوي الشاي العادي
علي الريق كاسة صغيره قد 200مل
قبل الغداء والعشاء وبعدهم
وخليك طول اليوم رايحه جاي تشربين الخلطة وان شالله راح تلبسي كل التيشرتات الي في الدولاب بس لا تستعجلي اصبري شهر شهر ونص علي حسب البطن ولاتنسيني من الدعاء في ظهر الغيب ترى كتبت لك اكثر من مره وانمسح بلتوفيق