وينج يا توليب -رنا سابقا-؟ تعالي بقولج شي

السلام عليكم

قبل ما أبدا
ما اقول إلا ما شاء الله تبارك الله لا قوة إلا بالله
الله يحميج و يحمي بنتج و زوجج و يخليهم لج
و عسى الله يبارك لج في وقتج

بس حبيت أقولج أنج قدوة لي بكل صراحة
و أنا ما اعرف أجامل
ليش؟

أنا آنسة، لكني موظفة و في نفس الوقت أدرس ماستر، و صادفتني مشكلة الوقت إلي تذكرينها في مواضيعج
لكن و الله.... ما حسيت بقيمة الوقت إلا لما حسيت نفسي مضغووووطة (انتبهوا يا عضوات.. لما فعلا اتكونون مسؤولات عن شي كبير و بروحكم و محد بيساعدكم...بتعرفون شو اقصد)
بعد ما اتخذت قرار أني اكمل دراستي، صار عندي طموح كبير علشان اخدم بلادي، يعني مش آخذ الشهادة و بس، لا.. صار طموحي كبير، وظيفة اتناسب تخصصي (يعتبر جديد نوعا ما) علشان اقدر احدث تغيير لو بسيط في بلادي و للأفضل....
لكن... ساعات أفكر، اذا الله كتب لي و اتزوجت، كيبف بنظم وقتي؟؟
يعني دراسة و شغل و مسؤولية الزواج أشيا نوعا ما صعب أنج اتنظمينها...
لكن
لما قريت موضوعج
عطيتيني أمل أن هالشي ممكن
أصلا ما في شي مستحيل!
في أشيا صعبة لكن مش مستحيلة
يباله صبر في البداية لحد ما الوحدة تتعود على هالنظام و حتى زوجها و عيالها بيتعودون معاها
تنظيم الوقت هو الأساس
----
فياليت يا عزيزتي اتردين علشان تعطينا دافع أكبر لتحقيق طموحاتنا
----
و يا بنات
و الله المسألة ما تحتاج إلا تنظيم للوقت، ما في شي مستحيل، لا اتقولون أنا عندي درزن عيال و موظفة و ما عندي خدامة،و ساكنة في فيلا دورين.... هالنوعية من الظروف صعبة، لكن ترتيب الوقت مش أمر مستحيل، يباله صبر صبر صبر..... اذا بعض الحريم ينامون لحد الساعة عشر الصبح، كيف تتوقعون هذيل بينظمون و قتهم؟ و إلي من تيي من دوامها تتغدا و اتنام، كيف بتنظم وقتها؟؟
في حريم يقولون أصلا العيال ما يخلونا ننام!
تعرفون أنتوا شو مشكلتكم؟ الفوضى!!!!!!
يعني..... انتي موظفة و توجت رجعتي من شغلج و عيالج يتريونج، بييج ولدج الصغير بيقولج ماما انا يوعان، و الثاني بييج ماما باجر علي امتحان، و الثالث بيقول ماما بلاعيمي تعورني....
غالبا ما الحريم يقعون في فخ الفوضى..... يالله تلحق على الولد الثالث و بعدين اتذاكر حق هذا و اتأكل هذاك.....
ليش ما اتسوين نظام معين لكل وقت في اليوم!!
يعني... سوي لج نظام و عودي عيالج عليه...
الوقت إلي ترجعين فيه من الدوام لازم يكون محدد، مب وانتي في الدرب تتذكرين أن تاقصنج بقدونس و توقفين عند الجمعية و ترجعين متأخرة! هذي هي الفوضى! قرارات وليدة اللحظة.... كل شي اتقررينه خلال لحظة وحدة...
حددي موعد وصولج للبيت و عودي عيالج على هالشي، من توصلين حددي موعد الغداء بحيث يكون ثابت و ما يتغير شو ما كان، حددي موعد للقيلولة و خليها اتكون قصيرة، يعني ساعة وحدة في أقصى الحالات... و سوي لج نظام للطوارئ! لا تضحكون!!! فعلا هالشي مهم جدا...... يعني لازم اتجهزين نفسج اتسوين جدول خاص لحالات المرض المفاجئة، سويلج جدول خاص للمذاكرة و حل الواجبات، جدول خاص لتنظيف البيت و للطبخ و لمشتريات البيت الخ الخ...
يعني ألحين المفروض المعلمات بالذات يكونون أدرى بمسألة ترتيب و تنظيم الوقت!!!
أرد و أقول.......... ما في شي مستحيييييييل...... الفرق بينج و بين اي وحدة منظمة هو تحمل الصعوبة و الصبر.... و إلي يتحمل و يصبر بيناااااااااااااال في النهاية نتيجة صبره....... شوفوا بعض الأجانب و عيالهم لما يروحون الجمعية .... الأم اتخلي اكبر عيالها يساعدها، و لا في العيادات... ما يضيعون وقت، من ييلسون طلعوا لهم كتاب من شنطهم و قعدوا يقرونه....
للأسف نسبة من الحريم...... حياتهم تمشي حسب ما يبون بأي وقت و بأي شكل..... قرارات تطلع بشكل مفاجئ بدون حساب........ و بعدين يشتكون أن ما عندهم وقت!!!!!!
أنا اشتريتلي أجندة و أحدد فيها إلي اباه مش بس بالأيام! حتى بالساااااااعة....مواعيد، محاضرات، دورات، امتحانات الخ الخ....
فلو شفتوا أي وحدة من البنات اتضحي بوقتها علشان اتقوللكم أن تنظيم الوقت هو الحل لمشاكل بيوتكم.... لا تيلسون اتقولون لها انتي مثالية و انتي عندج بس ياهل وااحد وانتي مب ساكنة في بيت عشر أدوار و من هالكلام السلبي......
اتقبلوا الواقع .... في خلل في بيوتنا..... لازم نحل هذا الخلل.... لازم انسوي جدول أعمال لكل شي انسويه في البيت، من النوم لحد الشغل ... من الطبخ لحد الإستحمام.... لازم ايكون عندنا مخطط يومي... مخطط أسبوعي.... مخطط شهري.....
---
ان شا الله يا توليب ترجعين لنا و اتفيدينا و تعطينا حافز.... و صبرج على بنات حواء...... هم يبون يتعلمون.... لكن التعبير خانهم...

انتظرج اتردين....