بقولك شي...
ترى الانبساط لازم يكون نابع من داخلك...
يعني الرياض منتزهاتها اغلبها تبي جمعات ...
لكن ممكن تروحين انتي وزوجك وتبسطين نفسك ..
وبعد لازم تقنعين بالموجود..لأنه بالفعل ما في اماكن متميزة اذا رحتيها تحسين براحة...
لكن على الأقل في شي تروحين له...
وهاذي الأماكن اللي اعرفها...
1-الثمامة غنيه عن التعريف..سواء دخلتي المنتزهات او تمشيتي بالسيارة
2- المطاعم وهي اشكال وألوان..بس اذا كنتي من محبي الخضرة والماء واللي بصراحة
تريح النفس عليكي بالضوء الخافت على طريق الملك عبدالله
3- ممشى طريق الملك عبدالله ...ممكن تمشين بالطريق الأوسط منه هادى ومرتب
وبصراحة منها تغير جو ومنها رياضة واذا معكي اطفال ازين بعد علشان تنمين فيهم
رياضة حب المشي.
4-الأسواق واللي تعتبر من اماكن التنزه بالرياض..يعني ممكن تاخذين دوره بالسوق وبعدين
تجلسين بالمطاعم والكفيهات اللي تابعه للسوق..وافضلها صحارى.
5- حديقة سلام والأفضل تروحون بعد العشاء يكون الجو برد شوي ..خذي لفه بالقطار
واتفرجي على البحيرة وارمي اكل للأسماك اللي فيها..تراها ممتعه نوعا ما.
6-الدرعيه منطقة فيها اثار روحي تفرجي عليها واجلسي بالحديقة الصغيرة
اللي تابعة لمسجد المنطقة وافضل وقت العصر ولا تروحين الجمعه لأنها تصير مزدحمة.
7-الحي الدبلوماسي كتمشية بالسيارة.
8- مركز الملك عبدالعزيز التاريخي ..وهو عبارة عن متحف روحي من باب التغيير.
9-شارع النهضه بالربوه ..وهو عبارة عن جزيرة وسطى بين شارعين مشجرة
ومجهزه كحديقة صغيرة وممشى ولا تروحين يوم جمعه كذلك بسبب الزحمة.
10-استاد الملك فهد ..منطقة كشتات ..بس حلو تلفين بالسيارة وتتفرجين على الناس
وتغيرين جو.
11-اذا كنتي من محبي عبق الماضي زوري منطقة الديرة ...مري على مركز التعمير تمشي فيه
وهو سوق مفتوح وسوق نسائي وممشى صغير ..بس له طراز غريب وحلو.
12- المملكة والفيصلية وهاذي ابرز معلمين بالرياض واكيد انك رحتيها ...سواء الأسواق
او المطاعم او الأبراج.
غير كذا مالك الا انك تركبين السيارة انتي وزوجك وتلفون بالشوارع ..
ومثل ما قلت لك لازم تقنعين بالموجود علشان تحسين بالسعادة...
مشكلة الرياض ان الاستراحات والمنتزهات العائلية غالبة عليها ..واللي تبي تتمشى
هي وزوجها تمل ..لكن عاد هاذا الموجود نتسلى فيه حتى يفرجها ربي علينا.
ترى الانبساط لازم يكون نابع من داخلك...
يعني الرياض منتزهاتها اغلبها تبي جمعات ...
لكن ممكن تروحين انتي وزوجك وتبسطين نفسك ..
وبعد لازم تقنعين بالموجود..لأنه بالفعل ما في اماكن متميزة اذا رحتيها تحسين براحة...
لكن على الأقل في شي تروحين له...
وهاذي الأماكن اللي اعرفها...
1-الثمامة غنيه عن التعريف..سواء دخلتي المنتزهات او تمشيتي بالسيارة
2- المطاعم وهي اشكال وألوان..بس اذا كنتي من محبي الخضرة والماء واللي بصراحة
تريح النفس عليكي بالضوء الخافت على طريق الملك عبدالله
3- ممشى طريق الملك عبدالله ...ممكن تمشين بالطريق الأوسط منه هادى ومرتب
وبصراحة منها تغير جو ومنها رياضة واذا معكي اطفال ازين بعد علشان تنمين فيهم
رياضة حب المشي.
4-الأسواق واللي تعتبر من اماكن التنزه بالرياض..يعني ممكن تاخذين دوره بالسوق وبعدين
تجلسين بالمطاعم والكفيهات اللي تابعه للسوق..وافضلها صحارى.
5- حديقة سلام والأفضل تروحون بعد العشاء يكون الجو برد شوي ..خذي لفه بالقطار
واتفرجي على البحيرة وارمي اكل للأسماك اللي فيها..تراها ممتعه نوعا ما.
6-الدرعيه منطقة فيها اثار روحي تفرجي عليها واجلسي بالحديقة الصغيرة
اللي تابعة لمسجد المنطقة وافضل وقت العصر ولا تروحين الجمعه لأنها تصير مزدحمة.
7-الحي الدبلوماسي كتمشية بالسيارة.
8- مركز الملك عبدالعزيز التاريخي ..وهو عبارة عن متحف روحي من باب التغيير.
9-شارع النهضه بالربوه ..وهو عبارة عن جزيرة وسطى بين شارعين مشجرة
ومجهزه كحديقة صغيرة وممشى ولا تروحين يوم جمعه كذلك بسبب الزحمة.
10-استاد الملك فهد ..منطقة كشتات ..بس حلو تلفين بالسيارة وتتفرجين على الناس
وتغيرين جو.
11-اذا كنتي من محبي عبق الماضي زوري منطقة الديرة ...مري على مركز التعمير تمشي فيه
وهو سوق مفتوح وسوق نسائي وممشى صغير ..بس له طراز غريب وحلو.
12- المملكة والفيصلية وهاذي ابرز معلمين بالرياض واكيد انك رحتيها ...سواء الأسواق
او المطاعم او الأبراج.
غير كذا مالك الا انك تركبين السيارة انتي وزوجك وتلفون بالشوارع ..
ومثل ما قلت لك لازم تقنعين بالموجود علشان تحسين بالسعادة...
مشكلة الرياض ان الاستراحات والمنتزهات العائلية غالبة عليها ..واللي تبي تتمشى
هي وزوجها تمل ..لكن عاد هاذا الموجود نتسلى فيه حتى يفرجها ربي علينا.