السلام عليكم .. ممكن أدخل :42:

لا ني حامل ولاني من الكويت
بس حبيت اتطفل وادعيلكم .. (الله يقومكم بالسلامة )

وحبيت أسلم عل اختي وحبيبتي فوز الكويت

شخبارج يا الغالية وشخبار النونو .. وينج من زمان ما شفناج .. بس عاذرتج اكيد مشغولة مع الحمل واغراض البيبي الله يعينج ان شاء الله يا حبي ويقومج بالسلامة ..
بوسيلي النون >>>>>>>>> طلب تعجيزي :22:

هلا والله بنات ديرتي شلونكم
انا الحين بالثامن وخلصت كل شي تقريبا بس باقي الكفر وهدوم البيبي شريتهم من مذركير وشريت من كل لحظه حق الاستقبال وانشاالله راح اولد بدار الشفا ادعوا الله يسهل علي وعليكم الولاده حدي خايفه هذا اول حمل لي

بنااات وينكم وين الكويتيات
بنات كل وحده تقولنا وين تبي تولد وشنو تجهيزاتها للمستشفى

آنا أبي أولد بمستشفى الهادي وهذي ثالث ولادة لي بس المرات اللي طافو مرة السلام والثانية المواساة وكنت أبي أولد بالمواساة هالمرة ريلي ما أيدني يقول بيتنا بالسرة وأوديج السالمية ليش الهادي أقرب واتكلت على الله وفيه بنات واايد مدحوه واللي يصيرولي يولدون فيه والسهالة من الله وقلت بشوف الغرف الملكية عشان الأستقبال وأبدأ أجهز على حسب حجم الغرفة لأني بحط مفارش وأشياء تناسب لون الكفر اللي لليلحين ماشريته بس بسألكم صج الهادي ما فيه إلا غرفة وحدة اللي فيها مرافق أثناء الطلق لأن ريلي من النوع اللي لازم يدخل معاي وآنا أطلق أخاف حزتها يقولون لي مافي غرفة يدخل معاي ريلي أصلا آنا أبي يدخل لأن بعيالي اثنينهم كان معاي يقرا علي ويهديني أرتاح نفسيا وأحس بالأمان الله يخليكم بنات اللي تدري عن هالموضوع تفيدني أدري قرقتي وايدة بس استحملوني خخخخخخ

هلا والله فيكم..........انا باقي لي اسبوع وادخل التاسع..وهذا ثاني بيبي...
اليوم رحت عيد النصار السرداب وشريت أشياء مالقيتها لا بمذر كير ولا لاندمارك....وهي القبعات الداتنيل القطنية للي بتييب بنت..واللفاات حلوة بعد أحلى من الللي بلاندمارك...الحلو في نذر كير ان ملابس المواليد newbaby و tinybaby قياساتهم مظبوطة على البيبي.
ودراريع النفاس خذيتهم من النقرة الجنوبي...يمكن رابع أوثالث محل على اليمين قمصانه روعة روعة وأسعارة حلوة...على 12-13-14-د.ك لقيتهم على 20و18وأغلى في عيد النصار بالسرداب..وبعد في النقرة الشمالي خذيت من القاسم ...قميص نوم قطعتين للمستشفى...والله يابنات قبل في ولادتي الأولى شريت جم قميص من مترو...لقيت نفسهم عند الطاهر وعلى 25د.ك