وينكم نبي نسمع قصص ولادات جديده ...........نضحك شوي

بقولك قصة ولادتي بالتفصيل الممل >>>> ماصدقت احد يبي يسمع قصص ولاده :27: ياطويلة العمر انا كنت رايحه موعد عادي وكان باقي لي من التاسع اسبوع المهم قلت للدكتوره ان حركة البيبي مره خفت وانا اساسا كان عندي دخول للمستشفى اليوم اللي بعده عشان اقيس السكر واسوي تخطيط لانه كان عندي سكر حمل قامت الدكتوره قالت خلاص اليوم دخول المستشفى ودخلت العصر وسووا لي تخطيط فيه طلق مرره خفيف وقاسوا السكر كل شيء تمام من البكره الصباح جات الدكتوره وقالت خلاص الظهر بعد الأشعه واخر تحليل سكر خروج طبعا انا فرحت لكن فجاه نزلت علي شوية مويه ولما رحت قسم الأشعه طلعت المويه ناقصه والحبل سري ملتف حول رقبة البيبي بعدين رجعت قسم التنويم وجات الدكتوره تقول لي خلاص مافيه خروج اليوم ولاده بنعطيكي طلق صناعي واذا تعب البيبي عمليه :( طبعا الدكتوره قالت بتسوي لي ككشف داخلي وانا ممرعوبه اول مره وسوته وانا اصيح وقالت شوي وننقلك قسم الولاده واقووم اتصل على الوالده :icon33: واصيح اقول بيدخلوني ولاده تعالي واللي معاي في الغرفه يقولون لي خلاص استهدي بالله صلي ركعتين وأنا بس أصيح :icon33: <<<زي كذا بالضبط وكلمت زوجي :arb: طبعا يجي ..بعد صلاة العصر جاات امي ودخلت عندي غرفة الولاده وأول ماشفتها أبكي وأصيح وهي تهدي فيني بعدين راحت وجاء زوجي طبعا لما جاء جلست أضحك صابني هبال :D وعطوني الطلق وكان الرحم مفتوح 2سم بعدين راح زوجي وانا ارجع ابكي لما سمعت صياح وحده في غرفه ثانيه وسالت الممرضه تقول هااذي من الصبح عندنا بكريه وتقول راح تطولين لانك بكريه وولادتك بتكون متعبه حطمتني ..بعدين رجعوا كشفوا علي الساعه 11 وبرضو 2سم بعدين اخذوني من غرفة الولاده لغرفه ثانيه وكان معاي وحده اخذه برضو طلق صناعي على اخر الليل صحاني صراخها وقالت لي الممرضه بنولدها هنا ماعاد يمدينا ننقلها وارجع اصيح :icon33: والصبح كشفوا علي برضو 2 سم قلت خلاص بقولهم عمليه ماعاد اتحمل اسمع صياح اللي في قسم الولاده رعبوني وطبعا التخطيط ماشالوه عني دقيقه لما جات الدكتوره قررت انهم يفتحون المويه وردوني قسم الولاده والغريب فتح المويه مو زي ماقرات في المنتدى انه يألم ماحسيت فيه وبعدها عطوني ابره في العضل خلتني ادووخ ولما صحيت لقيت الوالده جنبي ووقتها بدأ الطلق يحمى والألم يزيد وأقول للمرضه عطيني ابره ثانيه قالت لي ماينفع غير بعد ثلاث ساعات وانا شيصبرني زوود الا الدكتور جاي ويعرض علي ابرة الظهر طبعا وافقت بلا تردد والوالده تقول لا وانا اقول وينها بس ووقتها كشفوا لقوا الرحم 6سم والأم مرره زاد صرت اتلوى من الألم والدكتور اللي مفروض يعطيني الابره ماجاء بس سبحان الله خلال دقايق الرحم انفتح عشره سم ووقتها اقول للمرضه الله يكرمكم ابي اتبرز اثاريه خلاص ولاده ومن وقتها سبحان الله نسيت الام كان كل ماحسيت بالام قالوا لي دفي واذا راح اريح وخلال فتره قصيره الحمدلله حطوا بنتي في حظني ... :icon28:
طبعا خلال الولاده كلها ماصرخت ابد قولوا ماشاء الله لاني حسيت انه ماله اي فايده حتى وحده من الممرضات تقول لزوجي مدام مره كويس..

ومن الأشياء اللي سهلت ولادتي اني كل ماحسيت بالطلق حطيت يدي على بطني ودعيت اللهم لاسهل الا ماجعلته سهلا وانك تجعلى الحزن اذا شئت سهلا وكمان التركيز على التنفس ولا أنسى دعاء الوالده اللي كانت معاي في غرفة الولاده الله يخليها لي ويشفيها يارب...
مو كأني زودتها في الكلام :D ...تشاااااااااااااو

انا من اولد بالسلامه راح اكتب لكم تفاصيل ولادتي باذن الله انتوا ادعولي بس..

الله كريم

وانا بعد ادعولي وبكتب لكم لما اولد التفاصيل