وينكم يامعلمات الحاسب .. انقذوني .. الله يجزاكم خير

الله يسهل لك عيوني ويوفقك
أهم شي في التربية العملي إنك تظهرين بأنك جادة أمام الطالبات حتى لو كانت حصة انتظار <<لا تطيحين الميانه بينكم علشان بالحصة تقدرين تسيطرين عليهم
وبالنسبة للدروس فيه عندك العضوة جليسوليد ماقصرت حاطه للدروس أفكار ووسائل روووووووعه
وكذلك الأخت nummy حاطه تحاضير سوي بحث بالمنتدى بإسمائهن وراح تلقين المواضيع وإذا بغيتي أي استفسار أرسلي لي على الخاص أخاف ماأقدر أرجع للموضوع مرة ثانية
والله يوفقك عيوني

وهذي بعض الروابط اللي ممكن تفيدك
لمعلمات الحاسب

هذا موضوع جليسوليد

اجتماع معلمات الحاسب

معلمة الثانوية كيف تشجعين طالباتك؟

وهذا غيض من فيض من هذا المنتدى المعطاء أنتي سوي بحث وراح تلقين منوتك إن شاء الله

ولاتنسين أختك من دعواتك لي بالذرية الصالحة

مشكورة اختي غصن البان الله يوفقك ويفرج عنك مثل ما فرجتي عني
و يرزقك الذرية الصالحة
انتي الوحيدة اللي عطيتيني وجه!!!!!

هونيها عليك يافراشه وتهون بإذن الله ..

شيكي ع الخاص ..

وفي بداية الحصه .. ادخلي بكل ثقه من نفسك .. واوقفي عند الباب .. وعطيهم من ذيك النظرات الحادة .. :)

وخليك ساكته لحد ماتجلس كل وحده في مكانه .. واذا ما اعطوك وجه ,, تكلمي بصوت جهوري ..

وقولي يالله يابنات .. كل وحده تجلس بمكانه ..

وتبدأين بالتفتيش على الواجب .. وتصويبه مع الطالبات .. ثم السؤال عن الدرس السابق ..

ثم تمهدين لدرسك الجديد وتبدين على بركة الله ...

اذا نسيتي نقطه .. استرجعي مع البنات النقاط السابقة .. وهم يجاوبون معاك .. حاولي تتذكرين النقطه اللي نسيتيها ..

ادخلي بين مقاعد الطالبات وانتي تسألين ..

فاجئيهم باختيار الطالبات للاجابه ..

حاولي تكونين شعله من النشاط .. ولا تخلين للبنات مجال يتكلمون ..لانهم راح ينشدون بحركاتك .. وتنقلاتك ..

غيري كل فتره واخرى بين نبرات صوتك .. طبعاً على حسب النقطه ..

اتمنى اكون سهلت عليك ..

اذا في اي استفسار انا موجوده بإذن الله ..

شوفي الرابط هذا .. راح تلاقين فيه تحضيرات المنهج ..

http://forum.hawaaworld.com/showthread.php?t=218360&page=8&pp=10