هلا أخواتي ومشكورين على الردود...بس أنا طماعه نبغي معلومات أكثر...لأن القصد إنا نفيد بعض ونفيد غيرنا من الأخوات...

أختي الوله..تقصدين الحريروه...ممكن تخبرينا بطريقتج كيف تسوينها لأن فيها حبه سودا وزنجبيل أول مرة أعرف إنهم يحطون فيها هالأشياء....

أختي شنكر (اسمج فضيع هههههه) خبرينا بطريقتج...نبغي نعرف طرق عمل الحريروه لأن في لها طرق كثيره..حد يسويها بالحليب...وحد عادية...وحد يضيف عليها شوية طحين مقلي...وحد يحط وياها بيض...يالله نتريا طريقتج

أختي راعية البوش...(مرحبا الساع والله بالبدو تراني منهم)..كلامج صحيح الخيلة وايد تنفع للمربي...وأكل البيض مع الثوم والعسل يومياً بعد رهيب...يالله أكتبي للبنات طريقته...

وبغيت أسألج بعد عن غسول المحلب كيف يسوونه..اللي أعرفه غسول الملح والمر...

بغيت أسألكم تستخدمون الحصاه الحارة على البطن مثلنا وإلا لا...ترها مفيده ترد البطن..وايدين يهملونها وتطلع لهم كرشه بعدين

ونتريا باقي الأخوات على شان يفيدونا أكثر

نحن من دبي انحط الحصاه كبيره شوي وحاااااااااااااااااااااااااااااااااااااااااااااااااااااااااااميه ونلفها بالخلقه على بطننا في فترة النفاس والله العظسم انه البطن راح ينظف وراح اتروح الكرشه وتردين احسن من قبل

جربوا

يا مرحبا بج اختي مها الامارات ( ثرج بدويه وانا مادري )

المهم بعطيج االطريقة دقي فص ثوم وخلطيه مع البيض والبقدونس (يقلى بالدهن العربي ) ولما

يجهز صبي عليه عسل ويأكل مع الخبز .

وطريقه ثانيه يعجن طحين بالثوم وتسوينه مثل القرص وادقينه ويغمس بالدهن والعسل

وبالهنا والعافيه

اما المحلب المطحون طريقته نفس الملح والمر(غسول )