اهلا وسهلا
انا من فلسطين وعندي كمان بنت وولد هههههه شفتي التشابه
بنت عمرها 5 سنوات وابني 3 واربع شهور وبعيش في تامبري tampere
كنت بالاول في هلسنكي وانتقلت من سنه تقريبا لظروف العمل
اولادي بروحوا الحضانه وزوجي بالعمل وانا بالبيت واحيانا بنزل مع زوجي
بصراحه انا ماالي اختلاط كتير بالناس هون علاقاتي محدوده جدا لانه للاسف العرب او يمكن الفلسطينين اللي هون مافي وراهم الا الغيبه
هاد اللي لاحظته للاسف ما ارتحت مع الناس كتير عندي 3 صديقات اللي هم باالاصل ازواجهم اصدقاء زوجي تعرفت عليهم اول ما اجيت البلد ومرتاحه معهم
اهتمامي في بيتي واولادي وزوجي ماخد وقتي وبعد ماجربت التعامل مع ناس كتير هون وانقرصت منهم فضلنا انا وزوجي انه نبعد
لا تفهمني غلط انا بالاول لما جيت هون كنت حابه اتعرف على كل العرب اللي هون من الوحده لكن بعد التعامل مع الناس فضلت اني ابعد
عالعموم انا سعيده جدا بالتواصل معك بالموقع انت خبرني شو بتعملي بتدرس ولا بالبيت

upppppp

السلام عليكم ورحمة الله تعالى وبركاته
إيه والله يا أختي كلامك صح مليون بالمية لازم الواحدة ما تختلط بالناس كتير وخاصة العرب لكن أصابع اليد مو كلها زي بعض يمكن فئة قليلة حرمت على فئة أخرى على كدا العرب مهما وجدو في أي مكان بالعالم مستحيل يحبو بعض لكن نرجع ونقول الحمدلله على نعمة الاسلام ..لا حول ولا قوة إلا بالله...الله الهادي وأتمنالك السعادة مع صديقاتك أختي في الله

صباح الخير
كيف حالك اليوم ان شالله تكوني بخير
ماخبرتيني عنك كيف بتقضي يومك وشو بتحبي تعملي وشو عامله مع اللغه الفنلنديه تعلميتيها ولا بعد
لانها صعبه صح؟ ولا شو رأيك
وشو عامله بالتلج بتحبيه ولا ما بتحبي اجواء التلج انا عن نفسي بحبها كتير وكيف طبيعه الجو عندكم بالجزائر
يلا دردشي عشان نعمل تجمع صغير على قدنا يمكن بعد هيك نلاقي مغتربات من فنلندا يشاركونا