وينكم يا نحيفات.............

أخواتي العزيزات.....النحيفات
أنا العبدة لله نحيفة جدا ..........و ما تصدقون أنا صار لي 4 سنين متزوجة و عندي ولد عمرو سنتين ( الله يخلي ) و مشكلتي مثل كل الأخوات النحيفات إني بدي أسمن و ما ينفع معاي شي تخيلوا إنو كل الي يشوفوني يعلقوا على نحفي لحد ما تعقدت و صابني حالة إحباط و خصوصا لما أطلع على وجهي و جسمي بتقولوا جسم صبي مو بنت ...
يعني ما في شي نهائي حتى زوجي ما رحمني من تعلقاته و إني لازم أسمن بس و الله مو طالع بيدي شي.....تصورا إنو بطني لاصقة و صدر مافي و لا شي
و كل يوم الصبح و أنا رايحة الشغل أطلع على روحي و أحس كأني عصاية و أقول معليش الحمد لله....يجي يوم و أسمن

المهم عملت كل التحاليل و ما طلع شي بس مشكلتي إنو أكلي قليل و أحيانا أنسى و ما آكللحد ما اااااااااااا اااااااااااااا الله يجزيها بالخير وحدة بتشتغل معي و لا حظت إنها كانت نحيفة و بعد ما رجعت من الإجازة كانت سمنانة و صايرة تجنن
المهم سألتها شو عاملة بروحها و شلون سمنت ؟؟؟؟؟؟؟؟؟؟؟؟؟؟؟؟؟؟؟؟؟؟
و كان جوابها أنها أخذت دوا فاتح للشهية
بصراحة أنا مو مشجعات الأدوية بس قلت يالله أخذ إسم الدوا و أشوفوا للدكتور :42::42:

رحت للدكتور و شوفتوا للدكتور و قال إنو الدواء ما لو أضرار و هو يعتبر فاتح شهية و الأثر الوحيد إنو بينعس وهووووووووووون المشكلة النعاس و خاصة إنو أنا أشتغل و عندي بيبي و طبخ و شغل

قلت معليش كلو يهون على شان خاطر السمن
و بديت أخد الدوا كل يوم حبة قبل النوم
و الله لا يوريكم و الله إني بروح الشغل نايمة و أرجع نايمة و أحس كأني ماني بهالدنيا و إنو دايما جوعانة جوع فظيع لدرجة إني أصحى الصبح و أنا مشتهية آكل محشي أو كنافة بالقشطة يعني أتشهون و ما أشبع :o:o

و بعد الأسبوع الأول خف النعاس و صار الوضع أحسن و بدا وجهي ينتفخ على كثرة النوم و الأكل ..........
و اليوم صار لي 3 أسابيع و الحمد لله عال العال و زدت 4 كيلو
و أنا راح أكمل لحد ما أوصل للوزن المناسب لأنو بصراحة أنا بدي 15 كيلو

أخواتي أرجو المعذرة للإطالة بس أنا أحس بالنحيفات

مع السلامة:27:


عفوا نسيت ما أكتب إسم الدوا
إسمو هبتدين و هو عبارة عن دوا للحساسية و لا تخافوا لأنوا ما إلو أضرار و للتأكد إسألوا الدكتور و إقرؤوا النشرة و يفضل إنو تاخذوا مع الدواء فيتامينات مشان تزيد عملية السمن

أنا قال الدكتور آخذ حديد و زنك مع فيتامين سي

بالتوفيق إنشاء الله و لا تنسوني من الردود