احكييييييييييييييييييييييييييييييييييييييييييييييييييها

قولي☺️

لما كنت اقدم على الماجستيرماشاء الله ادكروا الله ههههه قدمت اول مرة في الطايف ...تلات مرات اختبرت ولا انقلبلت ....وقدمت بمكة ويقبلوني واختبر ولا انجح .... ورحت مدارس اهلية اقعد تسع شهور شهور مميزة ويجوروا علي وابطل ولا يعطوني الخبرة مو مدرسة وحدة مدرستين ودعيت (اللهم اؤجرني في مصيبتي واخلف لي خير منها ....رجعت اقدم على الماستر بس هالمرة في الباحة قدمت ونجحت وفي المقابلة رسبوني بظلم .... ويئست بس تعلقت بالله اصلي السنن اصوم الايام البيض ...وذيك الله تدق علي صاحبتي تقول فيه تقديم في جامعتنا ماجستير ....والله ما اهتميت لكن اصرت علي اقدم معها ...وقدمت على قسم تربوي ماكنت ادري ان التوفل مطلوب ....المهم كانت اختي نفاس يومها وافتكر الاختبار كان مطر شديد في العصر وامي تصيح تقول وين رايحة ذي ؟؟؟؟ لانه عندنا حريم بيجون لاختي النفاس بعصرية كان شي في اذني يقولي روحي كان يوم 20/4/1432 ه كان احد رحت اختبار القدرات اول يوم تمام وبعده اختبار التخصص ...اتاري فيه اختبار اللغة وراح علي وكنت خلاص خارجة بسيب اختبار التخصص الا تجيني استاذة كانت تدرسني قالت يعني البنات اللي اختبروا انجلش (التوفل )حيعدوه ) اقعدي بس نشوف لك حل بعدين ....رجعت البيت والعصرية شغالة وانا استدير من القهر والحريم يتسالون فيه وانا بطق ....المهم اللي حصل ان كل البنات ماجابوا الدرجة المطلوبة في الانجلش ...قلت انا راحت علي ماعندي اللي يثبت اني اختبرت ....قعدنا تلات اسابيع الا وزميلتي تدق تقول مبروك القبول ...طبعا قلت يله بس خلي الكذب ما اختبرت انا التوفل ...تقول وربي وربي اسمك شوفيه قدامي ...وافتح الموقع والاقي اسمي مقبوله ...قلت انا ما اختبرت انجلش قالت المهم هدا اسمك لما رحت قالت كل البنات كلهم كلهم راح نعطيهم دورة بديلة انتي ما اختبرتي لكن نجحتي في التخصص والقدرات والنجلش نعطيك دورة بديلة ...العبرة بايش ان الله حجب عني كل ش سلبي
1- امكن لو كنت ادري انه فيه انجلش مارحت لا قدرات ولا تخصص
2- امكن لو ما اصرار صاحبتي اني اجي عشان نتقابل وانا قلت مسكينة طفشانه وحالتها حالة خليني اسليها ماكان تشجعت
3- امكن لو مالله ثم هي ماشفت اسمي في الترشح النهائي
الاهم والاهم انه هذا الماجستير الوحيد اللي مافيه مقابلة شخصية تنكد عليه
عشان كذا لو تجري جري الوحوش غير رزقك ماتحوش

فعلا لازم نرضى بقضاء الله وقدره
ويكون ايماننا قوي
ورب خيرا لم تنله كان شرا لو اتاك

فانا ماراح انتظر وظيفة ولا زيجة حطور نفسي مع ربي ومع والدي ومع نفسي ححفظ قران حصلي سنن رواتب الدنيا وسخ ماعد ابيه راح احاول اكون لله ولاجل الله وحدلع نفسي لانه محد درى عني وربي كريم ...بروح اصلي ولي رجعة