الله يعين بنات المنتدى على المصايب إلي ورى بعضها

واللة مصيبة واللة اني كرهت نفسي بسبب ها اللرجال

الله يكون بعونك
وياقلبي ترى الزم ماعليك صحتك هوبيتزوج ولاعليه وانتي هديتي نفسك
لاتخلين موضوع زواجه نهاية الدنيا
حاولي تدعين له ان الله يصرفه عنهااذاكان ماتزوج وان كان متزوج ارضي باللي ربي كتبه
وحاولي تتصبرين
والله يصرفه عنها

غاليتي ميس واسيل
اعلم واشعر ماصابك من الهم والحزن
احساسك بأنه قابل تضحياتك وحبك وتقديرك له بطعنة خنجر في قلبك
انه لمؤلم.....وقاتل
لكن عزيزتي
تأكدي انه لم يفاتحك بالموضوع الاوقد رتب اموره وتأكد مماسيفعله....وانه فاعله مؤكد
فهو اقدم على الزواج ان لم يكن قد تزوجها فعلا...وليس خطوبه فقط
وهذا ليس موضوعنا
المهم هو انت عزيزتي .....
توقفي عن احساسك بانك ضحية
ولا تجعلي زوجك محور حياتك
اشغلي نفسك.......وقوووي مهااراتك وابدعي في حياتك
حتى لاااتتعبي من التتغييرات التي ستحصل اذا جاءت زوجته الثانيه
وانتبـــــــــــــهي احذررررررري ان تقابلي زوجك بالهم والحزن وعينان متورمتان
فلديه الان امرأه اخرى تسعده وتملأ جوه بالسعاده ووعندما يعود اليك يجدك حزينه مهمومه حتى لو لم تتكلمي فيشعر بأنك قلبت سعادته وفرحته وهو يرى انه لم يفعل اي شي خطأ
كووووني قويه امامه(ادعسسسسي على قلبك) حتى لاتسسساعدي الثانيه ان تتطوقه وتسعده في حين يجد عنددك الكآبه

حاااااااااولي وحااااااولي واطلبي القوة والصبر من ربي ان يعينك.....
حاااولي ارضاءه واشبااااعه من البيت.... حتى لا يتركه لك وهمومك ويبقى سعيدا مع الاخرى
واذا احب الله مؤمن ابتلاه..........وماتعانين من هم ابتلاء ياحبيبتي

وادعو اللله لك الصبر
الله معك

قرأت للأخت ام هواازن رد في موضوع ياعمري يالاحساس
وكلامها مهم
اتمنى ان تقرأيه جيدا
حتى لو كانت حالتها تختلف عن حالتك وان شالله ماتوصلين للي وصلت له ولكن به نصائح مهمه



نحن مش حنتكلم في الماضي لكن حقول لك شيء
زوجك حالياً يفكر بإنك عقبة في طريق سعادته ولا تزعلين مني ولا من كلامي ..
هو الآن سعيد مع الجديده .. تخدمه و تدلله وتريحه ... عشان كده هو يريحها ويعطيها اللي تبغى ..
و إنتِ يالغالية لما يجيكي يلقى في عيونك الغيرة والقهر و النكد .. حتى لو ما تكلمتي ... لكن هو رجال ويحس ..
زوجك يفكر يتخلص منك .. وزوجته الثانية تساعده بهذا الشيء و إنتِ كمان تساعدينهم على إنهم يحصلون على اللي يبغونه ..
حالياً هو مستغني عنك في المرقد لإن فيه من يوفر له المتعة
لكنه محتاجك في ناحيتين .. المصاريف و تربية الأولاد وخايف من كلام الناس ولومهم لو هو تركك ..
زوجته الثانية حسب كلامك تحاول تجذب أولادك لها .. بكده تقول له طلقها وأنا أربيها وأحل محلهم ..
إنتِ تقولين له أنا أبغى مصاريف زياده ... أصرف علي مثل ماتصرف عليها وتركتي شغلك ... علشان تأكدين هذي النظرية .. و تخلصتي من عفش بيتك ..
بكده زادة مصاريفك ..
أنتشر كلام بين الناس عن اللي عملتيه و أتهموكِ بالجنون .. يعني بكده لو تركك .. حيكون هو وهي الكسبانين في الوقت الحالي ..
و الناس مش حيلوموهو ، وفي نفس الوقت حيرتاح من مصاريفك و أجار شقتك حتى لو كانت مصاريفك لا تذكر ، و في نفس الوقت حيرتاح من النكد اليومي و التفكير والهم والغم و الأتهام بالظلم وعدم العدل ..

من حيكون خسران ؟
بالطبع إنتي وأولادك ..
إنتي حتضيعي تعبك معاه ، ومش حتلاقي لك زوج ثاني بسهولة وحتى لو لقيتي أكيد حيكون يا متزوج يا مطلق ويمكن كمان عنده أولاد ويصير تخدمين أولاد غيرك بعد ماكنتي تخدمين أولادك
أولادك حيتشتتوا ... و يتعبوا نفسياً حتى لوكانت زوجة أبوهم طيبة .. لإنها مستحيل حتوفر لهم اللي إنتي توفريه ..

أختي ...
لما تحسي نفسك متضايقة أقرأي قرآن ... و تذكري عدل الله .. وأدعي دائماً ربك إنه يفرج همك ويبعد عنك شرها وشره ...
تمسكي بزوجك وأولادك .. حتى لوكان زوجك غلط .. لكن هو ما تمادى في الغلط إلا بعد ما ساعدتيه إنتي على هذا الشيء ..
لما تزوج لقي منك تعاون ، كان المفروض أول ماحسيتي إنه بيتزوج تصرفين فلوسه عشان مايفكر في الموضوع لإن الرجل ما يفكر في الزواج إلا إذا أمتلى جيبه قروش وهو شكله كان يدكن من وراكي وإنتي ما تحاسبينه ...
خلي في بالك إن زوجك مش حيعطيكِ ريال واحد إلا بمزاجه ... لو قلتي له أعدل وغصب عنك وكلام من هذا وتحديتيه حيشوف إن الطلاق أريح له ويطلقك بدل ما تهدديه بالحساب والعقاب يوم القيامة حاولي تتعاملين معاه بالحيلة
يالغالية
هو خلاكي تصرفين على بيته بالحيلة ... وبمزاجك ما أجبرك على هذا الشيء ... و إنتِ أعملي نفس الشيء معاه ..
حالياً ماعندك عفش ببيتك ..
أحتالي عليه علشان يشتري لك عفش ... يعني أدفعي نص الفلوس أو قولي ربعها و أشتري اشياء بسيطة وهو يكمل بس لا تستعجلين ثمرة جهودك
لا تمنعينه من نفسك أبداً بالعكس ... طول ماهو عندك خليه يشبع غريزته علشان ينزل عندها وهو منتهي ... وشبعان ...
لإن المرأة إذا امتنعت عن زوجها لعنتها الملائكة وفي نفس الوقت زي ماقلت لك هو مكتفي بغيرك ، ولو امتنعتي عنه لما يطلبك حيكش منك ولا عاد يفكر يلمسك
حاولي تحسسيه بحاجتك له وحاجة أولاده له ولكِ ....
خليه يحس إن الأولاد من غيركم انتوا الاثنين مايقدرون يعيشون ... ، خليه يخرجكم حتى لو اشترطت إنها تجي معاكم ... أرفضي و إذا شفتي إنه ملزم خذوها معاكم ..
بس أقهريها و غيظيها ... خلي عيونك على زوجك و تبسمي له على طول حتى لو بينفقع قلبك .. خليها تحس إن كل اللي صار من مشاكل خلاص راحت ، و تدللي كأنك بنت 15
ولا تدفعين ريال من جيبك أبداً و راتبك اصرفيه على الكوافير و الاهتمام بنفسك وارفعي منه لكِ و تصدقي
وبيني له إن راتبك ماعاد يكفي مثل قبل .. وخليه يحس بالفرق والسبب اهتمامك بنفسك وتجديدك لحياتك يعني تمتعي بفلوسك إنتِ وخليه يزيدك لو قدرتي بس برضاه ، ولو ماقدرتي إنه يصرف عليكِ
خليه يصرف على أولاده برضه برضاه و اشتري لهم ألعاب و أشياء تعوضهم عن المشاكل وتنسيهم الزعل اللي صار بينك وبين أبوهم
صدقيني هي حتنكاد لما تشوفه يصرف عليكم لإن هي كل همها الفلوس .. وتحاول تكسبه علشان تتخلص منك
لا يطلع من بيتك إلا وإنتِ وهو راضيين
و غيري معاملك وإذا قال لك ليه صرتي كده قولي له كنت في غفلة وصحيت وحاولي تشعرينه بندمك وإنك مستحيل تتخلين عنه و إذا هو مستغني عنك فإنتي وأولادك ماتستغنون عنه ولا عن دخلته عليكِ

ياعزيزتي كلامي هذا قلته عن تجربة .. و من اللي شفته بعيوني ..
تحياتي وربنا يفرج همك