وين أختار قلبي ولا عقلي !!

السلام عليكم ورحمة الله وبركاته ...

الصراحه قبل كل شيء انا وايد وايد احبكم يا ما شاركتوني باحزاني وبافراحي ..

الله لا يعيدها من ايام .. والله يجزي كل وحده ساعدتني منكم كل خير ...

بنات مثل ما يعرف بعضكم انا مطلقه تقريبا من سنه وعندي طفل ..

عمري 23 سنه !!

الصراحه اتقدمولي وايد لكن محد ناسبني اللي متزوج واللي مب ملتزم واللي احيانا يكون من مكان بعيد وما يناسب ظروفي ...

وهالايام اتقدم لي واحد وانا فعلا محتاره ؟؟؟

الصراحه مواصفاته ...

انسان مطلق وعنده بنت
ماشاءالله ملتزم دينيا وملحي
والحمدالله مرتاح ماديا
عمره 40 سنه !!

انا اللي مب مرتاحه منه يعني انه عمره كبير بالنسبه لي ..

ما ادري احاول اتقبل هالشي يعني مب قادره .. أخاف عقب ما آخذه ما ارتاح وياه .. ما ادري اخاغ ما يدخل قلبي ..

طبعا استوت بينا شوفه شرعيه وشفته وما ادري صراحه بالنسبه للشكل ما عجبني ..
والنقطه الثانيه اللي مضايقتني بحيث انه مطلق من 7 سنوات .. يعني فتره طويله ما اتزوج يقولو ما صار النصيب ..بس غريبه !!

سبب طلاقه انه زوجته بغت تسافر برع الدوله بدون محرم للدراسه لمدة 4او 5 سنوات وتنزل بالاجازات وهو ما رضى وهيه رفضت وطلبت الطلاق ..

الصراحه انا فكرت ارفضه لكن احيانا اتراجع اقول وين بلاقي واحد بالهالمواصفات متدين ماشاءالله وطبعا مب متزوج ..

وطبعا تعرفون حديث الرسول صلى الله عليه وسلم اللي بما معناه ..اذا جاءكم من ترضون دينه وخلقه فزوجوه ..

أنــــــــــــا استخرت كم مره بس بعد ما أدري شو أقرر ..

الصراحه بنات فعلا محتاره بين عقلي وقلبي ..
يعني عقلي قابلنه .. بس قلبي !!!!