وين أسكن امي

انا توي شاريه فله دورين وشقة المهم انا قلت بسكن امي بالشقة مكونه من اربع غرف وحمامين ومطبخ امي عندها ولدين وبنت والله امي تاج راسي لو على امي كان سكنتها بالدور الارضي بس اخوي له سنه متوظف والله ولا شي يجيبه لاامي اغراض البيت تقعد تطلب منهم لين انا اجيبها لها واذا بغيت منهم اي مشوار يودوني يقولون حنا مشغولين ويقول اذا تزوجت بنزل انا وامي بالدورالثاني وهو ولا دافع شي والله لو فيهم خير لاامي كان عادي بس انا مزنوقه وهم ماعليهم من شي وربي من صغرهم وانا اصرف عليهم لين كبروا ماقصرت عليهم بشي والله امي كاسره خاطري اسكنها بالشقه اللي بالسطح هل انا غلطانه
والله تصرفات اخواني تقهر مو متحملين المسؤليه طبعا هم اخواني من امي

ولي اخوي واحد من امي وابوي ماقصرت في زواجه دفعت له 60 الف وفي الاخير مو معبرني حتى السلام مايجيني الاكل 3شهور وبنفس خايسه

انا متزوجه واحد عمره 60 ضحيت بشبابي عسى ربي يعوضني فيه بالجنه وبس زوجي ظليمة شينه والله ماقصر معي من ناحيه خدمه اهلي الله لايحرمه الاجر

ينات دعواتكم لي بصلاح عيالي وشفاء بنتي من السكر ويخليلي امي اللي مابقى الا في هالدنيا الاهي