احلى شمرية @ahl_shmry

محررة

وين اتخبين الممنوعات

وين اتخبين الممنوعات(للبنات)

--------------------------------------------------------------------------------

يازين الكلية لا تفتيش ولا يحزنون ...

بس عندنا شي اعل وامر وانكد من التفتيش ......

في قاعة الاختبارات الشهريه يكونوا الدكاتره واقفين علينا وعيونهم علينا .. لا يلتفتون لا يمين ولا يسار <<<<كأنهم حالفين هههههه

لا وياليت بس كذا .... تلاقين اربع او ثلاث دكاتره في قاعه صغيره <<<<<< ما ادري وش هاللقافه ههههههههههه

ولا عاد العله كلها لما تجينا دكتوره بربااااااااااره ... وربي ما تسكت من اول الاختبار الى اخره

كل شوي تتكلم وياليت بصوت واطي ... عااااالي تقولون هي في الشارع واحنا داخل الكليه

وكل جمله تقولها تعيدها اربع خمس مرات <<<<< قايله لكم عله

لسه ما شفتوا شي ... مره كان الاختبار صعب وانا مشكلتي ما اعرف اركز الا بهدوووووووء

وهذه صاجتني طول الاختبار .. واللي يزيد القهر تقول لا احد يتكلم ولا يلتفت طول الاختبار والمصيبه ما في احد يتكلم الا هي

حتى وهي تمشي ما سلمنا من صوت جزمتها (الله يعزكم)

فيومها انا ارتفع ضغطي وطارت الاجوبه بسببها فقلت لها خلاااااااص بصوت واضح جدا

عاد انا قلتها من العصبيه ووجهي مكشر والكل ملاحظ هههههههه

طبعا هي تفشلت شوي ... بس تحسبونها تابت ؟؟؟

لا والله ... مازلنا نعاني منها ....... شفتوا كيف عله

لكن عندي شويه نصائح لطالبات الثانوي <<<<< من زود الكراهه بعلمهم هالطرق الشيطانيه ..

شلون تخبين الممنوعات وقت التفتيش ؟؟؟؟؟ اسالي مجرب ولا تسالي خبير ..

اذا كان شيء يخص الكمبيوتر...يعني فلوبي...سي دي..ماوس..كي بورد..مذر بورد..

روحي لسلة الزبالة ( الله يعزكم ) ارفعي الكيس وحطي السي ديات الي عندك والفلوبيات في السلة ورجعي الكيس فوقها..بعدين خذي اوراق مزقيها وكرمشيها وارميها في الزبالة ...للتموية..

اذا كانت صور ..

خذي اكبر دفتر عندك...مثلا دفتر الرياضيات...حطي الصور فوق صفحة فاضية ولصقي الصفحة الي قبلها عليها >> من الجوانب بس.. لاتلصقين الورقة في الصور.. بعدين يصير غباء...
او خذي الصور ولزقيها تحت الطاولة بس لزقيها زين لا تطيح وتشوفها اللي تفتش بعدين يصير غباء ..

اذا كانت اكسسورارت..

هذي الحركة ما تنفع لها أي مدرسة...
تروحين للشباك تفتحينه وتحطين اكسسواراتك برا الشباك >> مو ترمينها..بعدين يصير غباء... يعني.. للي ما فهمت..مو يجي لبعض الشبابيك من برا مكان تقف عليه الطيور الجميلة لتزقزق كل صباح ؟؟ يعني مكان تقدرين تحطين عليه أي شيء؟؟...
المهم حطيها هناك...
وانتبهي لا تحطين المكياج مع الاكسسوار برا...بعدين يخرب...ويصير غباء ---> طيب اقلبي وجهك..

المكياج..
.
لازم يكون برا الفصل رف او دولاب او مكتبة..اي شيء..خذي مقلمتك طلعي الي فيها وحطي مكياجك بدل الاقلام...روحي للرف الي برا ودسيها بين الاشياء الموجودة..
وانتبهي لايكون احد يشوفك وتنكشفين..بعدين يصير غباء...

الكتب والمجلات والروايات..

هذي الشغلة لازم لها علاقات موثقة وقديمة ومصلحجية..
تاخذين الممنوعات الي عندك وتنزلين لاكثر وحده تحبك وتعزك..
ممكن تكون ( البياعة الي في المقصف / مدرسة الكمبيوتر/ أي وحده من الخالات الي ينظفون المدرسة )
تروحين لها وتعطينها الي عندك وتوصينها عليها..
بس اهم شيء تكونين واثقة منها..مو تروح تفتن عليك وتبئي فستين داهية..بعدين يصير غباء..
حل ثاني اذا كانت مجلة فقط..
دوري في المجلة عن أي موضوع ممكن يتعلق بالمدرسة..
سمعت مرره وحده جابت مجلة..وقالت اذا بيفتشون بقولهم جبت المجلة عشان فيها موضوع عن الارهاب..!
<<ياكثر ماتسمعين هههههههههههه

اذا كانت اشرطه اغاني او طبل اومسجل ( اشياء لزوم الوناسه )

روحي للمكيف وحطيها عليه ..
وفيه فكرة ثانيه بس للمحترفات فقط ... فكي ديكور السقف وحطيها هناك ولا من شاف ولا من درى ...

اذا معك جوال وين تخشينه ؟

اول شئ سوي نفسك تعبانه ... ومزكمه ... وخذي معك علبه مناديل ... وطلعي المناديل اللي فيها وحطي الجوال بعدين حطي فوقه شويه مناديل للتمويه .... <<< بس انتبهي حطيه على الصامت موب يرررن ويكتشفونك ويصير غباء ..!!
ملطوش

758

يلزم عليك تسجيل الدخول أولًا لكتابة تعليق.

تسجيل دخول

دادونيا • 20 سنة

انا اقول مواضيعك تعجبني شكلي بهون
مع اني مو مثاليه في المدرسه
بس ممنوع خلاص ممنوع
غريبه الموضوع هذا عليك يا احلى شمريه

هما منعو الاشياء لضررها مو عناد ولكاعه
فيهم وتجيب مصايب ومشاكل المدرسه والاهل في غنى عنها

ودمتي لمعجبتك سابقا

صادقة المشاعر • 20 سنة

وش صار لك يا أحلى شمريه 000 صراحه مع احترامي لك موضوعك هالمرة مو عاجبني !!!!!!!!!!!!!!

غريبه عليك أنك تنشرين موضوع غير مفيد بالعاده نستفيد بكل شي تنقلينه وش صار لك هالمره!!!!!!!!!!!!!!!!!!!!!!

الله يهديك بس!

التفاح الأخضر • 20 سنة

كيفك احلى شمريه
والله مواضيعك حلوة بس المرة هذة يعني معليش وانا اقرا اقول يالله الحين بيعاتبونها البنات
وترا بنات الحين مو زي بنات الول ياقلبي الله يهديهم
ونزليلنا موضوع احلى من كذا