قهوة بالبندق :

فعلاً الدراسة ببريطانيا أقصر.. وهي لديارنا أقرب غير كذا احسها أمنياً أرحم من أمريكا خاصة بعد قضايا الحصين والتركي.. وماخفي كان أعظم

فعلاً الدراسة ببريطانيا أقصر.. وهي لديارنا أقرب غير كذا احسها أمنياً أرحم من أمريكا خاصة بعد...

دليله_21 :

و عليكم السلام و رحمة الله و بركاته عزيزتي انا زيك اخر سنه و بإذن الله اكمل دراسات عليا أول ما اتخرج انا صح ما جربت البلدين لكن انصحك ببريطانيا لأنه الأمن ما يعوض بشي و صح بريطانيا ما هي امن مره لكن احسن من امريكا اما بالنسبه للغلا الله يعينك تحملي و الصدفه الغريبه اني اطمح اكمل بجامعة ادنبره عشان كذا قلت ارد عليكي و اشجعك يمكن نتقابل و نصير اصحاب :) اتمنالك التوفيق و لا تنسي الاستخارة اكثر من مره:26:

و عليكم السلام و رحمة الله و بركاته عزيزتي انا زيك اخر سنه و بإذن الله اكمل دراسات عليا أول ما...

مهيتاب :

السلام عليكم انا كنت بامريكا تعامل الشعب كويس لكن مو من الكل يعني على حسب المكان اللي انتي تروحيه فيه بعض الاماكن يستغربوا الحجاب واماكن عادي لكن انتي تمسكي بحجابك وامريكا رخيصة حسب المكان يعني لو انتي في مدن كبيرة غير لو كنتي في قرية عندك واشنطن وميامي ولوس انجلوس مثلا مدن مرة غالية بالنسبة للسكن والمعيشة انا ارتحت بامريكا لكن اللي يخربها الحكومة يعني حتى لو انتي ماشية في حالك ومالك اي نشاطات ممكن تطب عليك الاف بي اي وتحقق معك وبعد ماترجعي بلدك ممكن يحققون معك ثاني هذا غير البهذلة في المطارات غير استخراج الفيزا بس زوجي راح لبريطانيا يمدح تعاملهم في المطارات ويمدحها كثير يقول حتى المتعصبين في حالهم وعلى فكرة امريكا فيها متعصبين واهم من هذا كله الكرامة لازم يكون عند الخلجيين كرامة وما يروحوا امريكا بعد اللي سووه في السعوديين مثل التركي والحصين والمهندس واذا تبغي نصيحتي كندا كثير يمدحوها اسفة اذا طولت عليك بس حبيت افيدك بتجربتي

السلام عليكم انا كنت بامريكا تعامل الشعب كويس لكن مو من الكل يعني على حسب المكان اللي انتي...

امواج البحار :

كندا كندا كندا واحدة خاشة على الخط بالغلط اعرف ان عندك خيارين امريكا او بريطانيا مافى كندا خخخ صلى الاستخارة وربى يسهلك امورك ان شاالله مع العلم ان كندا امااااااااااااااااااااان والله اعلم بالتوفيق بالغالية :)

كندا كندا كندا واحدة خاشة على الخط بالغلط اعرف ان عندك خيارين امريكا او بريطانيا مافى كندا...

الريم ه :

اسمحيلي اختي تأخرت وايد في الرد عليج انا شخصيا اشجعج على امريكا رغم اني تعبت فيها شوي لكن الانسان بالذات في الدراسات العليا يدور الفايدة.. نظام الدراسة والاسلوب والفايدة اكبر بوايد بسبب نظام التعليم عندهم بالنسبة للمدة رسميا بريطانيا اقصر نظريا لكن دام انج بتسيري ماستر ودكتوراه مع بعض خليني اقولج شي....بتسيري بريطانيا سنة ماستر ونظريا 3 سنوات دكتوراه في الجامعات اللي تمشي بالنظام القديم اللي هو نظام البحث او اربع سنوات للي تمشي بالنظام اليديد او الامريكي يعني خمس سنوات - طبعا الثلاث سنوات اللي هي البحث يعتمد على خلفيتج القوية في البحث وتعاون المشرف معاج. شخصيا بالنسبة للي يطلعوا مباشرة من جامعاتنا في الخليج على دراسات عليا في بريطانيا يتعبوا شوي في مسألة البحث وياخذوا فترة طويلة شوي لكن خلينا نقول بتكون بين 4-5 سنوات حسب النظامين في امريكا الماستر سنتين والدكتوراه 4 سنوات- في الماستر على سنة ثانية تقدري تبدأي تاخذي مواد دكتوراه خفيفة ولما تبدأي الدكتوراه رسميا يتم تحويل ما يقارب ال 12 ساعة من الماجستير للدكتوراه وبالتالي تختصري فصل ممكن بس خلينا نكون واقعيين ونقول ماستر ودكتوراه 6 سنوات على اساس انج ما قدرتي تختصري شي مع انه واقعيا ولي شخصيا خبرة مع وايد زملاء اختصروا وايد في النهاية لازم تشوفي قوة الجامعات والتخصص وهذا اهم شي ولازم تتذكري انه الغربة تعب سواء في بريطانيا او امريكا هنا مشاكل وهنا مشاكل - هنا تعب وهنا تعب فخلي دايما هدفج قوة الدراسة عشان ما تلومي نفسج في اي لحظة ليش رحت هنا وما رحت هنا بالنسبة للحمل تعالي شوفي الخليجيات ما شاءالله معظمهن يدرسن وكل وحدة بطنها قدامها :) وما شاءالله عليهن يدرسن وممشيات حالهن الولايات اللي قلتلج عنهن يعتمدن على التخصص يعني اريزونا كبيرة واعرف ربيعتي في نفس هالتخصص خذت الماستر في اريزونا وكان ودها في انديانا بس ما حصلت قبول تقول من اقوى الجامعات بس انتي اهم شي حددي التخصص بدقة ودوري الجامعات التوب وصدقيني فرصة تحصلي بعثة ماستر ودكتوراه - محد يلقاها هالايام الله يوفقج ولا تنسي الاستخارة هي اللي بتريحج

اسمحيلي اختي تأخرت وايد في الرد عليج انا شخصيا اشجعج على امريكا رغم اني تعبت فيها شوي لكن...