وين احترام الذوق العام ؟؟؟؟؟؟؟ موقف اذهلني وجاب لي الصداااااااااااااااااااااااااا ع

اليوم رحت لموعدي في المستشفى العسكري وانصدمت من اللي شفته

ناس غريبه وعجيبه تخلت عن الذوووق العام والاحترام

دخلت استراحة النساء ماحصلت كرسي اجلس وحصلت حرمه جايبه عيالها الخمسه او اكثر ومجلستهم على الكراسي وانواع الفوضى والمضارب وامهم اختنا في الله متمدده ومنسدحه ومتكيه على اربع كراسي ماخذه اربع كراسي والخالامس لشنطتها جيت انا وجلست جنب الكرسي اللي بالطرف عند الباب جنب عيالها شوي الا ولدها ماسك نعلته وانتم بكرامه ويحذفها وانا مسكت راسي خفت يصكني مع راسي ومعي صداع خلقه وقاموا يتحاذفون والام بكل برود تطالع وماتحركت من مكانها وقالت بس ياعيال ويوم زاد الضرب بينهم والحذف قمت من مكاني ورحت ورا خفت يصكني نعله مع راسي ويوم جلست ورا مادريت الا عيالها الصغار حاجزين الكراسي ويلعبون فيها ويرجعونها لورا وبغوا يطيحون علي وعلى الحريم وانا والله اني صدعت وتحملت احتري متى يجي دوري وضيق مافيه كراسي امهم حاجزه كرسي لشنطتها واربع كراسي منسدحه عليهم ويمكن خمس كراسي لعيالها ومادريت الا شوي وتجي ذيك القارورة قارورة الماء وتصك بالكرسي الحمدلله بالكرسي ولا بروس الحريم خصوصا ان فيه كبار بالسن وحريم تعبانات من ضمنهم انا والام متبطحه ماتحرك ساكن كل شوي تقول بس ياعيال جو بناتها تضاربوا قالت ارقدوا ياعيال ارقدوا قالت بنتها يمه مافيني نوم وانا اطالعهم مذهوله انا وباقي الحريم اخاف انها في بيت ابوها تبي ترقد وترقد عيالها معها وقامت بنتها الصغيره تلعب بالكرسي واخوها يطل في اخته من تحت ويقول يمه اختي فلانه مالبست ...... يقصد ملابس داخليه والام ولا على بالها والبنت مكشوفه كل شوي من تحت ياويلها كيف تخلي بنتها كذا طيب استريها على الاقل خذيها بحضنك حتى تطلعين مو تتركين عورة بنتك فرجه للناس محاسبه على هالشي


ماصدقت الحمدلله يجي دوري دخلت على الدكتوره ماسكه راسي مصدع من الازعاج والصراخ والدوشه والمضارب والحذف بالنعال والقوارير

الهدف من الكلام كله ياليت اللي امثال اختنا في الله تحترم الذوق العام والناس المرضى وتحاول ماتجيب اطفالها وان اضطرت تجيبهم تكون مسيطره على الوضع وتحترم المكان اللي هي فيه والناس الموجوده من جد نفسيتي تعبت من المنظر واتمنى مايتكرر

استغفر الله واتوب اليه الله يهدي الجميع