وين احصل محل بيع دجاج فرش بالرياض

اذا كنت من سكان جنوب الرياض فى محلات دجاج فقية بغبيرا نظيفة وحتى طعمه غير .

لا انا من شرق الرياض وشكرا على ردك
ياليت اللي من شرق الرياض تقولي عن المحل

في كل مكان تلقين دجاج في سوبرماركت العثيم هايبربندةالسدحان كارفور وفيه محلات الدواجن برضه تلقين فيها

يعني تبين اللي يسمونه دجاج بلدي؟؟ ويبيعون فيه حمام وارانب؟

اتذكر انهم سكروا هذي المحلات قبل كم سنه

ما ادري احس ان الدجاج الفرنسي المثلج افضل على الاقل نظيف
ومشيك عليه من قبل ..
تصوري قبل اسبوعين شرينا 4 حبات دجاج من الدواجن حتى نسيت اسمها
ما ادري هي دواجن السعودية على ما اظن بس هي محلها بالروضة
المهم انه استخدمنا ثنتين ومافيها شي ولما جيت استخدم الثالثة
وجيت افتحها طلع منها اشياء صغيرة مثل الدود لونها ابيض انكبت كلها بالمغسلة
وداخل الدجاج مايل لونه ع الاخضر لاااااعت كبدي و رميتها على طول بالقمامة
وانتم بكرامة وزوجي لما درى عن الموضوع راح وهدد المحل وهاوش الهندي
اللي فيها وقاله بشتكيكم للبلدية !!! بس من جد يذبحون الدجاجة ولايشكون عليها
ويعطونك اياها مريضة ولامتعافية .. ارواح البشر اصبحت رخيصة عندهم حسبي الله ونعم الوكيل