يقول المثل عور يدك ولاتعور قلبك ...ممكن أتحمل الشغل
والجلسه احيانا في البيت علشان بنتي لكن مااتحمل اجيب شغاله :30: تعل القلب
وهي بحد ذاتها يبيلها من ينتبه لها والمصيبه صارت اعظم!!!!!!!!

:( :( :( :(

ليان عمر ..

ابشري ولايهمك ..
شفي احتياطات أم مسلم حلوة ايضا ...

اما عني
طبعا أجهز لهم شريط فيديو..يكون مخفي عنه لهاليوم (هكذا الدنيا ....)
اقول لبنتي ...نظفي شغلك (حاطه لها شغلات ....زي الكنس وترتيب المطبخ )
ما أبيها تسوي عشا..لكن ممكن ساندويتشات مع شاهي فقط
بنتي علمته شغلات خفيفه..لكن الطبيخ قدامي مو من وراي ...

خلاص خلصتوا شغلكم ...اجلسوا وتفرجوا..عندي ايضا قناة المجد .ماخليها شغاله على طول ..
فأذا انتهوا شغلوها أذا ماعندهم شريط

أما ابني لأنه المشاغب..فلله الحمد وفرته له بلاي ستيشن 2 ؟
فصار يقول متى تخرجون ؟؟
الدنيا مصالح (السوني ما يلعب فيه الا الاربعاء)

أحاول ان يكون الاربعاء لي..والخميس لهم ..يعني نخرج ملاهي ..يعني مودائما..او حتى في البيت ..نسويها جلسه حلوة ...


أهم شئ ارغبهم في جلسة البيت علشان يحبونها ..
من ناحية متى ؟؟

أنا في الاول كنت أخليهم عند أختي الكبيرة..بحيث في شغالات..وبنتها الكبيرة كانت ترعاهم في غيابنا
طبعا البنت تزوجت..وعيالي كبروا ..فبدينا في النظام الجديد

أبوهم كان غير مقتنع ليه ..لأني الوحيده بعيده عن جماعتي من حيث السكن قريبه من عمله
فكان يقول كيف نخليهم بعيد ..في البيت ومشاوريك بعيده (جماعتي متقاربين الا أنا)
مع الوقت وبشوي شوي
أبين له السلبيات والايجابيات ..
وهو كل شوي يتصل فيهم ..ويجيب لي أحيانا القلق أذا ما ردوا
لكن مصيره يستسلم ..واليوم يرى أن ذلك افضل لهم ...

وحياك الله ...

اختي ام مسلم الله يسلمك انشاء الله اسوي هالافكار وارتاح والله يحفظ عيالك من كل شر ويجزاك خير فعلا افدتيني اختي جوجو فعلا انا مع بس الواحد صار يضطر ويركب الصعب احيانا والا من حلاة مقابل الخادمة في البيت بس الله يعين ويخليلك بنتك اختي لوسي ما اقول الا الله يحفظ عيالك وينولك اللي في بالك والله خطواتك مع خطوات ام مسلم مفيدة وبالفعل انا ماكانت تخطر على بالي مثل البلاستيشن انا عندي 1/2وقناة المجد بس ماعندي حسن استغلال بس بابدا من الايام هذي على خفيف لان اجازة الحج مليانة مناسبات ما اقول الا الله يسلمكم ااااامين واي اخت عندها اضافة وتعاني من نفس المشكلة ياليت تقول تجربتها على الاقل يحس الواحد ان فيه احد مثله لان اغلب الناس الان خااااادمات الامن رحم ربي .

احنا ساكنين مع أهل زوجي شقتي فوق وسلفتي تحتي وام زوجي أمامها

حسب المشوار لو مستشفى يعني مشوار ضروري أخليهم عند أم زوجي أو عند سلفتي عندها ولد صغير
لو سوق بالذات في رمضان يعني بشتري حاجات العيد أخليهم عند سلفتي بس أخلي زوجي يتفاهم مع أخوه أنا مالي وجه أستحي

لو مناسبه لأهلي يعني زواج او ملكه او وحده ولدت أخليهم عند أبوهم

واذا مناسبه لواحد من أصحابه حتى لو عزمني معاه ما أروح لأنه واحد فينا لازم يقعد
واليوم اللي أعرف انه عندي زواج اصحيهم من الصبح عشان ما يجي الساعه 9 الا وهم نايمين

والله شحططه بس الوحده تصبر الين ما يكبروا ويعتمدوا على نفسهم .

مشكورة والله يجزاك خير اختي ام الثلاثة والله يخليهم لك انا مافيه امل احطهم عند سلفتي لان وحدة كبيرة في الاربعين وعيالها كبار والثانية سلبية تماما ولا امون عليها الله يصبرنا ليما يكبرون وحابه اقول للجميع وكل اللي شاركوني اليوم بدات حصة ترك ~~~~~متاثرة بالمدرسة قلت باروح السطح انظف ماابي احد معاي لانه برد،،،،الله يتوب علي كذبت عليهم نص ساعة الا اسمع صوت ضرب قوي وصياح واقول ان شاء الله مهوب هم لكن طلعو متشققة حلوقهم من الصراخ الله يصلحهم بس لا ياس مع الحياة مع اني مشغلة قناة المجد بس بعد ما شفت تجاربكم ونصائحكم تحمست واتمنى اوصل لنتيجة الله يحفظ عيالنا ويصلحهم ويتمم للجميع نعمته وفضله