صبحكم الله بالخير
بنات لاتستغربون ادري بنتي ماشاءالله كبيره
عمرها الحين 3 ونص
بس وربي جننتني هاليومين عندها حركه غريبه
قبل كانت عاقله وتمشي جنبي زي الكبار
ولاعمري شكيت منها
اما الحين من شهر تقريبا صايره تسوي حركه بغت تجلطني كم مره
تخيلو مره وديتها الملاهي بالمول وادخلها اللعبه واللعبه مرتفعه
اقولها اذا وقفت لاتنزلين انا اجي انزلك قالت طيب
وانا متعوده العبها وتسمع كلامي وتجلس الين انزلها بنفسي
بس هالمره وقفت اللعبه ودخلت انزلها واللعبه على شكل حلقه
مايمديني اشوف الي في الجهه الثانيه
ولما وصلت لمكانها مالقيتها
انجنيت وطار عقلي ادور فص ملح وذاب
وانا اذا خفت اتصنم مكاني وتجيني حالة تناح ويصير لوني ازرق
ولساني يثقل
وبعد ماوصلت للحاله ذي
لقيتها بعيده هنااااااااااااااااااااااااااك واناديها ماترد ومستمره في الركض
والله ولاكأنها بنتي العاقله
خفت عليها من السلم الكهربائي
مسكتها في اللحظات الاخيره وربي ستر
وقتها جلست رجولي ماتشيلني وربي
الموقف الثاني قبل اسبوع رحت اشتري شوز وانتو بكرامه
قلت باخذ ه واطلع لاني مااحب اخذها معاي الا اذا اضطريت
لانها تمل وتقلب اخلاقها ماتتحمل المولات
ومامداني وربي ادخل المحل الا بنتي هربت ورميت الكرتون من ايدي
ووقفت مكاني اناديها والهيها قلت مابلحقها عشان لاتهرب
ولاعبرتني انطلقت:06:
رحمني البياع بالمحل هو وصاحبه سعوديين
وانطلقو وراها تخيلو مالحقوها بعدين سوو خطه
واحد من ورى وواحد من جهه ثانيه يصير قدامها
وحشروها بعد تعب بينهم ومسكوها وسلموني هيه بس بعد مافقدت الامل الا بالله
حسيت بشلل رجولي والوقت مر كأنه سنه
والحين كرهت الخروجات المشكله مضطره بعض الاحيان اخذها معاي
خاصة المستشفى:06:
بعد ماسمعتو قصتي ههههههههههههههه ابي تعلموني وين الاقي الحبل الجميل
الي كنت اربطها فيه يوم كانت سنه ونص
دورته بكل مكان مالاقي الا حق الكف
انا مابي اربطه بيدها ابي الي يلبس زي شنطة الظهر وطرفه الثاني بيدي
لفيت جده كلها مالقيته
الي شافته قريب تدلني عليه والي تعرف موقع ثقه يبعه ترسلي اللينك
مشكورين بنات الله يسعدكم
تالين... @talyn_15
محررة ماسية
يلزم عليك تسجيل الدخول أولًا لكتابة تعليق.
الله يحفظ لك بنتك ويرزقك برها يارب
اشتريته من سنتر بوينت ماركه شيكو
لكن مو فاكرة يمكن من قبل سنه
اشتريته من سنتر بوينت ماركه شيكو
لكن مو فاكرة يمكن من قبل سنه
ام هلالة
•
انا شايفته قبل فتره بمذر كير وسنتر بوينت الله يصلحها ويخليها لك استودعيها الله قبل تطلعين من البيت واقري الورد عليها والله يحفظها....انا شايفته قبل فتره بمذر كير وسنتر بوينت الله يصلحها ويخليها لك استودعيها الله قبل تطلعين من...
الصفحة الأخيرة
الله يصلحها ويخليها لك استودعيها الله قبل تطلعين من البيت واقري الورد عليها والله يحفظها....