مرحبا اختي ام توتو
سجلت دخول من شانك حبيبتي
اولا الله يكتب لك الخيره ومن رائي ان تركيا في توقيتك ذا مايصلح
واذا ما عمرك رحتي دبي روحي في الاضحى بيصير الجو حلو
انا توني جايه
بالنسبه للسكن احجزي من هنا ارخس لك بكثير انا حجزت من الطيار
واحجزي بالميديا ستي في ارجان روتانا بالذات واشرطي على جهة البحر او بالجي بي ار هذولا المكانين بالذات اذالقيتي حجز احجزي وانت مغمضه لتجربتي لها في عيد الفطر مع انه يوجد كثير فنادق وشقق راقيه لكن انا اتكلم عن الي جربته
واهم الاماكن اللي ارشح تزوريها النافوره الاكواريوم بمول دبي سكي الامارات مول لو انه اكثر شئ ينفع للي معاهم اطفال
وعندك اتلانتس واركبي منه قطار الجميرا
وعرجي على برج خليفه ولاتنسي تحتسي القهوه في كفيهات الجي بي ار وعندك المطاعم العائمه في الخور وخاصه انكم اثنين بس
والتسوق مول دبي ومول الامارات بيكفوك عن باقي المولات
وعند ك سوق نايف شعبي ولواني ما رحت له بس يمدحونه
والمطاعم والمقاهي مايحتاج متوفره بكل الاحياء
وصراحه ماوفيت الموضوع حقه لكن هذا ماسمح به وقتي
واتمنى لك رحله سعيده وتتهنوا يارب

مشكوره اختي حساااااايف

بس المعروف مافي مقارنه بين دبي وتركيا لان أكيد تركيا من ناحيت كل شي

واذا ع التوقيت بالعكس افضل توقيت

والله شفت تقارير عن دبي كثييييييير غاليه ودبي حقت تسوووووق وبس
انصدمة فيها لأني ماكنت شايفه تقارير عنها

بس تركيا شوفي تقاريرها في سفاري

شوفي ميزانيتك تكفي تركيا

بس بتكون سفرة اقتصادية مرة

انا رحت في الصيف 10 ايام كلفتني 10 الاف

وجوها بيكون بارد شتاء

اما دبي بيكون الجو حلو وبيصادف مهرجان التسوق

بس تركيا بيصادف وقت الثلووووج

وصلاله مايمحونها يقولون كلها حشررات !!

والخيار لك

ميزانيتكم تكفي دبي بالراحه صدقيني
طبعاً اذا صرفك معقول
وم احترامي للي تقول البرشا بعيده مو صحيح اداً منطقة البرشا خلف امارات مول بالضبط والمترو يمر فيها وتقريباً ان ما خانتني الذاكره محطتين او ثلاث عن دبي مول ما توصل عشر دقايق
وعندك سريلانكا انا ما رحت لها بس قريت وسمعت كثير عنها انها رخيصه وطبيعه روعه بس دوله مو متحضره كثير
يعني اذا تبين الحضاره دبي واذا الطبيعه سريلانكا
بس تركيا ما تنفع بعطلة الحج لانها بتكون بارده مرره خصوصاً معك طفله ام سنه

تبين نصيحتي دبي كلها اسواق انتي بتروحين تتونسين ولا تلفلفين بالاسواق بلدنا مليانه اسواق بين كل سوق وسوق ثلاث اسواق
اما تركيا غاليه مرره راحوها اخواتي واللغه صعبه لانهم مايتكلمو انجليزي ولا عربي يعني مرره حتلاقي صعوبه
(( روحي سيرلانكا انا رحتها بالصيف وناااسه مع شركه استقبلتني بسياره من المطار الى المطار وهم حجزولي الفنادق انا اخترتها طبعا وكانت الرحله 10 ايام وكلفتني الفنادق مع السياره مع السائق والفطور والتذاكر (( تذكرتين كبار وواحد طفل )) 13000 بس ونااااااااااااااسه مابعدها ونااسه وكل فندق تدخلينه يحسسونك انك ملكه من استقبال من معامله من حفاوه (( لدرجه فندق من الفنادق سويت حفله لزوجي وطبعا خبرتهم انهم مفاجئه وبالفعل فاجئو زوجي بديكور الغرفه والكيكه وكله مجانا على حسابهم )) وغير كذا التسوق عندهم رخيص مررره اذا تبغى السوق
على العموم اذا عجبتكي سيريلانكا وبغيتي رقم مكتب مضمون ارسليلي مسج انا عندي رقمين اللي سافرت معاهم غالي وفي مكتب ثاني شفت كم عائله سعوديه سافرو عن طريقهم مررره رخيص