وين اروح في تايلند؟؟؟؟؟؟؟؟ساعدوني

هلا عيني
أنا بسافر تايلند السبت الجاي بحول الله.. وسويت بحث في المنتديات عن كل شيء وبنات المنتدى ما قصروا وساعدوني بس بعد فيه منتدى العرب المسافرون بوابة تايلند تراه من جد فادني بالصور وبالمعلومات والأسعار وكل شي وإذا تبين تعرفين عن الأسواق تفضلي :
في بانكوك هناك سوق اسمه السوق الليلي دوامه من12 إلى الصبح هذا إبتعدي عنه مهما كانت الإغراءات لأنك بتشوفين مناظر غير سارة ولائقة.
سوق بلاتينوم فاشن ماركت سوق جديد وررروعة ورخيص رخص التراب هذا لأنه جديد أغلب التكاسي لايعرفونه لكن هو مقابل فنق أماري يوقفكم التاكسي هناك وتروحون له مشي.
سوق إم بي كي طوكيو رررررررائع بضاعته ستايل وسعره لابأس ولديه ملبوسات اطفال توب.
مركز سنترال ررررررائع لديه بضاعة مميزة لا توجد لدينا في الخليج وهو غالي شوي بس التميز بعد حلو.
منطقة نانا العرب يوجد بها مطاعم وفنادق عربية وأحلى شي فيها محلات مساج تايلندية بالأعشاب بعد التفرفر في الأسواق لازم تمرينها علشان تريحي أعصابك ورجولك.
ناس ما مدحوا حي نانا العربي وأنا عن نفسي ما بسكن هناك بإذن الله يقولون فيه مناظر من العرب غير محترمة بالليل!! بس لازم تمريه علشان هناك كل الأكل العربي والمذبوح الإسلامي.
لا تفوتين وبعد ما بفوت محلات بيع تقليد ماركات الساعات والشنط والجزم.
يارب يسهل علي وعليك ويوصلنا ويرجعنا بالسلامة وكل مسافر.

نسيت أخبرك عن أشهر الأماكن اللي تبيع تقليد الماركات في الساعات والشنط
فيه في منطقة العرب كذا محل وهي محل فريدة علي ودوامه من 6 إلى 4 الفجربعد فيه محل يبيع دهن العود بأسعار حلوة يعني التولة تطلع لك 1100 بات يعني 110 ريال دهن عود كمبودي معتق بعد فيه محل حفصة حلو لدهن العود
إذا بتروحين لبتايا لا تفوتين أبدا مجمع رويال قاردن هذا فيه محل لواحد صيني أمه تايلندية(بناسبه ههههه) المهم والزبدة يبيع ساااااااااااااااعات تقليد الماااااااااااااركات 100 % واتحدى بنت أبوها تقدر تفرق بينهم.. نسيت أقولك فيه سوق الباتنوم فيه محل تبيع فيه تايلنديه مسلمة إسمها أمينة تبيع شنط ماركات تقليد100% حجابات شيال وطرح حرير ممتاز بسعر بعد ممتاز.
أتمنى حبيبتي أفدتك. ويارب تستمتعين بسفرتك وإدعيلي بالتوفيق وإنه ربي يهدي زوجي إذا قلت هات يمد الألوفات يااااااااااارب(أموت بالشوبينغ ما أروح مكان إلا أشيل بضاعتهم كلها)

الف شكر واحترام وتقدير لج اختي الغالية على هالمعلومات المفيده
وجزاك الله الف خير ان شاء الله

مشكورين ع المعلومات
:)