وين اسوي مكياجي وشعري بسعر مناسب

هلا يا حلوات
الموضوع باين من عنوانه
عندي مناسبه بعد اسبوع وكل ما ادق على مكان احجز الاقي المكياج 450 ولا 500 ريال
والشعر بعد يبداء من 350 وفوق
وش السالفه
انا كنت اتعامل مع وحده بس المحل حقها سكر
كنت اسوي احسن مكياج وبرموش بعد 250 الى 300 ريال
والشعر 150 ريال
وكنت اقول حرام بس وش اسوي
اللحين اذا بتروحين مناسبه وتسوين مكياجك وشعرك برا تدفعين حوالي 1000 ريال
ليه كذا

علشان كذا يا بنات
ابي محل مكياجه حلو زي مستوى ارابيل و الحفل وغيرهم بس سعره يكون معقول بالكثير 300 ريال
ويكون فيه كمان كوافيرات شعر شاطرات
ومالي الا انتم تدلوني على الزين