السنابل>>>.....جزاكي الله الف خير كفيتي ووفيتي
بس ما خبرتينا بكم اشتريتي ماكينة الخياطة وكيف التعامل معاهاسهل ولا يحتاج خلفية في التعامل مع المكاين ..وهل خرابها كثير ووين تودينها للصيانة
وهل عندك فكرة عن الفرق بين براذر وسنجر؟؟

معليش يا عهود نسيت أقولك أشتريتها ب4500 ريال وبالتقسيط أول دفع زوجي 2500 وبعد شهر دفع باقي ال2000
بالنسبة للتعامل معها:
1------->كماكينة خياطة عادية إستخدامها سهل وعادي تختاري الغرزة اللي تبغيها بإدخال رقمها بالشاشة الصغيرة عن طريق الأسهم اللي جنبها ,وتحددي طول الغرزة وعرض الزجزاج بالأزرارين المتحركين يمين الشاشة ,وشد الخيط من القرص الدوار على يسار المكينة في المنطقة فوق الإبرة.يعني عادي جدا.........
2------->كماكينة تطريز طبعا يبغالك شوية تركيز مع الكتالوج إذا كان تعرفي للغة الإنجليزية ,والماكينة يجي معاها عرض فلاشي كيف تعملي أول تصميم تطريز على القماش وتعملي معاه خطوة خطوة وإذا كان مالك في دوشة الدماغ وكمبيوترك لاب توب خذيه معاك للمحل وخلي المختص في المحل يثبتلك البرنامج حق المكينة وإذا كمبيوترك عادي فخليه يشرحلك كيف تثبتي البرنامج وكيف تستخدميها في التطريز.
بالنسبة لخرابها فخلال السنتين الحمد لله ما خربت علي ولا وديتها صيانة وشغالة تمام,بس أنا بصراحة ما أستخدمها كثير بسبب إنشغالاتي .
بالنسبة للفرق بينها وبين برذر ,فهما الأثنين ممتازين ,وكل واحدة منزلة أكثر من موديل لمكاين التطريز بالكمبيوتر وكل موديل فيه ميزات وكل ما زادت الميزات طبعا زاد السعر.
على فكرة هذه الماكينة لازم تتوصل بالكمبيوتر علشان تطريز التصاميم أما الخياطة العادية والتطريز العادي الخطوط فطبعا ما تحتاج فيه الكمبيوتر.

يا عسل في كمان في مركز الشعله الدور الأول مكاين فاف برضو ابالكمبيوتر ولها مواصفات مثل مكينة براذر

سنابل جزاك الله خير

بس عندي كم سؤال 000شكلك خبرة ما شاء الله

دحين لو عجبني اي تصميم او زخرفة اسلامية مثلا طلعتها من النت ممكن المكينة تطرزها على القماش وبالحجم اللي ابغاه؟

وبعدين سعرها مرة كويس قبل فترة وحدة تقول في قسم المشاريع انو مكينة التطريز اللي موصلة بالكمبيوتر سعرها 30او 35

الف ريال وكانت واثقة من كلامها 000والمكينة ام عشرات الرؤوس كم سعرها ؟

والف شكر لكي ولصاحبة الموضووووووع

واااااو الموضوع قديم --------->من سنة تقريبا ,كنت داخلة أرد هههههههههه بعدين شفت ردي قلت الحمد لله إرتحت من الكتابة ههههه
المهم بالنسبة لسؤالك أختي أضواء طيبة المكينة ممكن تطرزلك هذه الرسومات بشكل جيد لو كانت هذه الرسومات بإمتدادادات معينة ماني فاكرتها دحين بس المهم تكون من رسومات المتجهات (الفكتور) وليست رسمة نقطية ,مثال عليها الأشكال(shapes) اللي في الفوتوشوب تعتبر متجهات يعني فكتور,أوكييييي..بالنسبة للحجم هذا يعتمد على حجم الطارة اللي تجي مع المكينة هي يجي معاها حجمين وأعتقد ممكن تشتري حجم اكبر .وبالنسبة للسعر فالكلام اللي سمعتيه صحيح لأنه الرأس فيه ستة إبر أو أكثر يعني مرة واحدة تقدري تحطي ستة ألوان من الخيوط حسب ألوان التصميم لكن مكينتنا هذه اللي في الصورة (إستخدام منزلي وليس تجاري)ما لها غير إبرة واحدة يعني تغيري الخيط أكثر من مرة حسب ألوان رسمتك,كمان المكينة أم 35 ألف كمبيوترها فيها والبرنامج حق التصاميم اللي يجي معاهامميزاته أفضل من برنامج هذه المكينة.والمكينة أللي بعشرات الرؤؤؤؤؤس يوصل سعرها ممكن لنص مليون ريال وممكن أقل حسب عدد الرؤس والملحقات الأضافية إذا تبغي مثل ملحق تركيب الترتر مثلا.
وتراي ماني خبرة ولا شي فقط شوية معلومات جمعتها وحاولت أفهمها لأنه عندي هذه المكينة