وين الأخت أم عمر؟ + موضوع عن العشيقة الزوجة

السلام عليكم ورحمة الله

انا من كم يوم افكر اكتب موضوع
واليوم انتظرت انوم البيبي واكتب لكم
متفرغه لكم خخخخخخخ
اول شي قبل ابدي الموضوع سؤال
انتو المنتدى عندكم بطيء مثلي والا بس انا؟

السؤال الثاني
كانت في عضوه قديرة (أم عمر) ولها اسم ثاني (مرج الزهور)
وين هي ؟
ما لها حس ولا خبر
مع ان مواضيعها ما شاء الله كانت توب بالمنتدى

شغله تقرقع بقلبي ودي اقولها :angry:

لا لا انا مو معصبه بس مدري ليش حسيت ان هالصورة تناسب
اقول لكم فاضية لكم اليوم ههههه
المهم
كثرت المواضيع اللي تقول ان خلج مثل العشيقة لزوجج وهيك يعني
انا اقتنعت بالفكرة قلت يالله خلنا نطبق
بس المشكلة ان الزوجة مستحيل تكون مثل العشيقة يعني لا تفهموني غلط صحيح الزوج بيعشق زوجته احيانا وهي بعد بس مو مثل العشيقة اللي نتكلم عنها انها متى ما طلبها عشيقها تكون جاهزة وفرحانه ولا تنكد عليه بشي ويطير وياها
يعني مثال
في الموضوع اللي اتكلم عنه كان مكتوب ان من صفات العشيقة انها ما تسال زوجها وين كنت ومع من وما تهتم اصلا يعني ولا تنكد عليه واذا راح لها يحس انه سعيد وما في شي ينكد عليه

اوكي انا فكرت اني اصير جذي لزوجي
بس المشكلة هذا غلـــــــــــط يا عالم ما يصير
ما اقدر
اصلا خصووصا اذا عندنا اطفال
لازم في مسؤلية مشتركة
لازم الزوج بعد اذا ما كان قد المسؤلية الزوجة لازم بتلومه
صح والا انا غلطانه
فالزوجة مستحيل تكون عشيقة مثلما ذكرت ان اربع وعشرين ساعه بس تهتم بنفسها
هذا زواج عمر واطفال وبيت واسرة ومسؤلية كبيرة وحياة جادة مو بس عشق
ما ادري المعلومه وصلت او لا
ما اعترض على عشق الزوج لزوجته ابدا
بالعكس انا الحمد لله أؤيد التزين للزوج والرقة والدلع بس مو ان اكون مثل عشيقته فانا زوجته لي حقوق وواجبات
الا اذا كان الزوج يستاهل
يعني مثلا اذا الزوجة سكتت عن حقوقوها فهو بنفسه يعطيها اياها واذا حس ان زوجته تعبانه يساعدها ويحمل عنها مسؤليات الاطفال وهيك يعني
يعني اقصد ان لو هي فرغت نفسها له هو راح يقدر هالشي مش بس ينبسط ولا يرد لها الجميل
مرة من المرات كنت اطالع برنامج دكتور فل ام بي سي فور
وكان يقول ان اذا شريك الحياة أراد ان يكون الطرف الثاني شريك جيد لازم هو يكون شريك جيد في البداية

وانا الاحظ في مجتمعنا بس احنا الحريم مساكين مو دارين شنسوي(وانا وياكم بعد مو احسن منكم بشي :44: )
اما الرجال ولا هامنهم
آه ليتني كنت رجال بس
كان مشاكلي كلها انحلت :arb:

بس يالله
استغفر الله
اكيد فيه الخيرة
وعسى ان تحبوا شيئا وهو شر لكم

أجرنا على الله :icon28:

وبس بصراحه مو داريه اي موضوع اكلمكم فيه واي موضوع اخليه لنفسي

وسامحوني اذا حسيتون بالملل وانتو تقرون موضوعي