حبيت اسألكم عن جهاز الوافل دوائر صغيرة
تكفون دلوني وين الاقيها بالرياض مليت وأنا ادورها :(
دورت عليها في جيان _ كارفور فرع خريص _ كارفور فرع غرناطه _ قصر الاواني _ السيف للاواني _ محلات الاواني بكذا سوق ولا لقيت نفس النوع اللي بالصورة شوفوها
ورايحه بعد لـ اكسترا و رايحه لـ عالم ساكو اللي على الدائري الشمالي ولا لقيتها
وهذي صور الجهاز
هذي نوع
وهذي نوع ثاني
لعل وعسى الاقي جواب عندكم :44:
تكفون اللي عندها مثل هالجهاز أو سبق و شافته بالريااااض تقولي وين الله يوفقكم :icon33:
ابغاهـ دوائر صغيرة مو كبير ولا مربعات ولا قلوب :09:
و بصراحه ماقصرت طلبت بالقسم التجاري حد يوفرها لي ولا طلعت بنتيجه ردت علي وحده من البنات تجيبها 800
و وحدهـ قالت 700 لان الشحن غالي و بيجيبونها من برا
ولا اقدر صراحه على هالمبلغ :(
فاااا تكفون ردوا علي من شافها بالرياض باي محل وبكم ؟ أنا اروح اشتريها بس دلوني عن مكان بيعها :(
و أنا متأكده انه موجود مثل هالموديل هنا بس وين مادري
لانه وحده تقرب لي قدمت حلا مسويته بنفس هذا الجهاز بس مااقدر اسألها من وين شرته و أنا متأكده انها شاريه الجهاز من هنا مو من برا لاني اعرفها
وسبق جربتها سألتها ماتجاوبك ولا تعطيك علم الله يهديها :44:
اتمنى الاقي عندكم جواب
:26: