السلام عليكم خواتي انا دائمآ اسمع عن (سوق المرقب) بالرياض
وينه فيه بالضبط؟
ابغى وصف دقيق تكفون
انا سمعت ان في سوق المرقب يبيعون بعد شنط ونظارات وساعات (تقليد ماركات)
وايش اسم المحل اللي يبيع الساعات المقلده فيه؟؟؟
بس ياليت تدلوننا وين السوق بالضبط؟؟
و وش اسم المحلات؟؟
تكفون ردوا علي بسرررررعة الله يخليكم:(
معاناة ام @maaana_am
عضوة جديدة
هذا الموضوع مغلق.
رندورغد
•
سوق المرقب بالبطحاء تحت العماره الي يوقفون فيها الناس السيارات واسمه شارع المرقب بين حلة القصمان واسواق بن سليمان روحي لواحد منهم وقولي ابي شارع المرقب تلقي شارع فيه عمارتين متقابلات الدور الارضي كله محلات اكسسوار وشنط ومكياج هو سوق المرقب وبالتوفيق
سوق المرقب انا اروحله من عند المعيقليه اللي يودي لسويقه الشارع هذا فيه الزمزمي حق الكريستالات اظنه معروف
المهم تروحين وتخلين المعيقليه وسويقه على يدك اليمين متجهه شرق الين يجيك كبري تجين من تحته يسار وتروحين لين يجيك بنك البلاد بعده يجي لفه على اليمين روحي لمحل اسمه الخاسكيه هذا كل اللي عند زي الماركه وفيه بعد محلات لو تدخلين شوي
ارجو اني قدرت اوصف زين
المهم تروحين وتخلين المعيقليه وسويقه على يدك اليمين متجهه شرق الين يجيك كبري تجين من تحته يسار وتروحين لين يجيك بنك البلاد بعده يجي لفه على اليمين روحي لمحل اسمه الخاسكيه هذا كل اللي عند زي الماركه وفيه بعد محلات لو تدخلين شوي
ارجو اني قدرت اوصف زين
الصفحة الأخيرة