وين الفزعه للضيف ياهل الشرقيه

هلا بضيوف الشرقيه بتنور الشرقيه بطلتكم البهيه :icon28:
اختي الغاليه انا ساكنه بالشرقيه وحبيت افيدك :D فيه بالشرقيه شقق مفروشه
كثيره لكن اللي جربتها واعجبتني كثير هي :
شقق سحاب سويتس في الخبر في العقربيه: هذي روعه ونظيفه ومريحه وفيها كل اللي تحتاجينه من ادوات المطبخ انا قبل لا استقر في شقه كنا دايم نسكنها وكنا مرتاحين فيها مره.......
فيه ايضا شقق لبالب هاوس هذي ماسكناها بس فيه كثير مدحوها جديده ونظيفه ومريحه....
وفيه شقق مارينا هذي بعد مدحوها لكن ان بغيتي نصيحتي اسكنوا سحاب سويتس لاني مجربتها والله حلوه.....
واي خدمات انا حاضره تبين اعلمك عن مطاعم منتزهات انا في الخدمه بس امري
واتمنى لك طيب الاقامه في الشرقيه :D انفع دليل سياحي مصدقه نفسها :D

الديوان على كورنيش الخبر....

الديوان مرررررررة حلوة بس سعرها أغلى من كذا تقريبا 700 ريال
شوفي في شقة توني رايحتها هذا الويك اند جديدة وررررررهيبة مررررررررة وغرفتين كل غرفة مع دورة مياة خاصة واسرة كبيرة وجديدة يعني كل شئ انتي تفتحينة ومطبخ مجهز من كل شئ حتى الدلال موجودين اسمها أعالي للأجنحة الفندقية ومو قعها عند سابل اللي قبل الراشد بالخبر يعني قريبة من كل شئ
سعرها 320 ريال بس

شقق فندقيه فخامة السرايا حلوه مره في الايام العاديه ب200 بايام الاربعاء والخميس والجمعه ماذكر يمكن ب300وعليها واهيا عند اسواق الراشد وطبعا اتكلم عن غرفه وحده
اي خدمه انا جاهزه والله يحيييكم

الله يعطيكم الف عافيه وهذا من طيبكم اللي معروف يااهل الشرقيه بس بغيت اسال الاخت الامل عن اسعارها اذا ماعليك امر وكلافه ومواقعها بعد واذا بغيتى اسالك عن مطاعم هنديه حلوه او مطاعم ثانيه بس تكون مره حلوه الله يعافيك ماتقصرين وبالنسبه للاسواق غير الراشد نفسي في جلابيات حلوه وفخمه بس ماتكون غاليه مدحولي جلابيات شارع الحب وينه هذا الشارع ويش فيه من محلات وكمان وش الاشياء السياحيه اللي ماتفوت غير الراشد والكورنيش معليش ازعجتك بس انتى عرضتي خدماتك وشكلي بغثك