وين القا بمصر المراكز الي عندها LPG لتكسير الدهون

انا مو من مصر
قبل ما اتزوج سويت كورس كامل 12 مره ال بي جي في مركز فخم ومشهود له في الامارات بابوظبي

ويا اختي نصيحة لوجه الله تعالى نصيحة من اخت لك جربت هالشيء انصحك نصيحة من اخت لك في الله ولا لي مصلحة لاني تاجره ولاني عندي مركز فيه الة تسوي نفس الاشياء اللي تسويها الال بي جي

بس جربت الالة وهي للامانة تختلف من جسم لجسم من ناحية كم تنقصي بقياسات الجسم

بالنسبة لي ما نقصتني غير اقل من 1 سم وبعض الاماكن نصف سم
لكن للامانه حسيت بتغيير كبير في شكل جسمي واكثر من احد قالي جسمك ناحف
اما السيلولايت بصراحه ما راح يمكن خف شي بسيط بس ما راح

لكــــــــــــــــــــــــــــــــــن

بعد ما تركتها بشهرين صار فيني اشياء غريبه عجيبه رغم اني استمريت على رياضة البيت اللي كنت دايم اسويها

لكن صار عندي مثل تكتلات بجسمي من داخل الجلد يعني اماكن الدهون بجسمي صارت ما ادري احس من عند العضلات او الدهون صارت غير مستويه حتى زوجي لما يمسك زنودي من فوق يقولي يا ربي شو صارلك اول ما تزوجتك ما كان كذا شو اللي صار بعد شهر قالي شكلها الالة اللي استخدمتيها خربت لك جسمك بعد ما تركتيها
وفي بنت ثانيه بعد كتبت عن هالشيء صار معها

والله ثم والله انه هذا اللي صار معي وندمانه اشد الندم اني حطيت فلوسي في شي ضرني وما نفعني يا ليته ما نفعني ولا ضرني لكنه ضرني

والان مر 9 شهور ولا تعدل اللي صار بجسمي

فنصيحة يا اختي لا تلعبي بجسمك وخليكِ على الرياضة المنزلية او في النادي وابعدي عن اي الة من الالات واللي نفع غيرك مو شرط ينفعك وخذيها من اخت مجربة وانضرت وفي بعد بنت غيري ذكرت عنها انتِ سوي بحث عن الال بي جي وبيطلع لك بعض التجارب

للاسف تعطي نتيجة حلوه بالبداية وبعد كذا يصير بلاوي بالجسم وخاصه احس انه عضلات زنودي ما ادري وفخودي فيهم شي ما كان فيني قبل الالة هذي مثل تفتت او دهون مكوره ما ادري شو هالشي :(

نصيحة بالله عليكِ يا اختي لا تستخدميها ولا تروحي تسوي كورسات فيها

مليكة القلم...
بسم الله عليك يالغاليه .. وماتشوفين شر ان شاء الله ...
والله خوفتيني كثير ...انا قاعده اقرا بالمنتدي عن اغلب الي راحو واشكرو فيه عشان كذا انا رايحه مصر قلت خل ع اقل اشوف واسأل واعرف الاسعار واشوف الجهاز و مكانه ,,وكنت رح اسأل دكتور قبلها طبعا واخذ رايه ..
بعدين يالغاليه الله يهديك كيف تاركه نفسك!!
مايصير تعانين من تكتلات وشغلات غريبه بجسمك ولا تتروحين لدكتور!!
لازم لازم لازم تشوفين دكتور ..ياقلبي الواحد تطلع له حبه في مكان موب متعود عليه ويقلب الدنيا ويقعدها عشان يعرف وش سالفتها ! انتي حبيتي كل هذا بسم الله عليك يجيك ولا رحتي لدكتور لان ردك ماقلتي انك رحتي !!!ف يالغاليه رجاء من اخت الان لاتهملين نفسك روحي لدكتور ..وان شاء الله مافي الا كل خير ,, انتي ماتدرين وش هالتكتلات ..الدكتور اخبر فيها وان كانت شي عابر وبيروح هو نفسه رح يقولك .. ولو احتجتي يمكن كريمات او اي شي هو نفسه الدكتور رح يعطيك ...عشان نفسك وعشان زوجك عشان تحلوين بعينه :)
بس نصيحه لا تتركين نفسك وتقولين اعمل رياضه ويمكن يخف او يروح لا حبيبتي روحي لدكتوووووووووووور عشان تعرفين وش سبب الي صار وكيف يخف ويروح ان شاء الله
واالف الف الف شكر ع عالنصيحه ,, وربي يحقق لك الي في بالك ..ويشفيك يارب ياكريم ... وطمنيني عليك :)

تسلمين يا الطيبه
وان شاء الله بروح الدكتور .. وانا ما رحت لسبب اني قريت رد لاخت اخرى تقول صابها نفس الشيء والدكتور قالها هذا عبارة عن تكتلات دهنية صار توزيعها مو مضبوط لانه مثل اللي كان يلعب رياضه كثير ويوقف كيف يصير عنده ترهل او يصير عنده توزيع الدهن مو مضبوط هادا نفس الشيء لانه كانت الالة تصقل وتصقل والرياضة العادية ما تسد مكان الالة بعد التوقف عنها

وانا لما رحت سويت رحت لانه ناس كتير مدحوها لكن للاسف صار شي معاكس عندي مع انه مركز معروف واكثر من واحده مادحته لكن ما ادري ما شفت ردود البنات بعد ما سووا الال بي جي بفترة شهور اغلبهم كانوا بنفس الفترة اللي سووا فيها يكتبون انه زين

ويمكن كل جسم يتاثر غير عن الثاني ويعتمد بعد مثل ما قالوا البنات على طريقة اللي تسوي اذا كانت خبيرة او لا يمكن اللي سوت لي مو خبيرة مع انه الكل يمدح مركزهم بس في بنتين واحده اجنبية وواحده عربية انا اللي سوت لي العربية

والله المستعان

مليكة القلم...يالله ان شاء الله خير حبيبتي