ماشاء الله تبارك الله
التراميسيو حلى من زمان ودي أسويه
وسويته وطلع ايننننننننن بالشكل والطعم
ومثل ماعودتكم راح أنزل مقاديرة وطريقتة بالشرح بالصور
بسم الله نبتدي
للطبقة الأولى جيبي صينيه قاعها متحرك وصفي البسكوت بعد ماتغمسينه
بمحلول النسكافيه ضايفه له سكر بهذي الشكل
الطبقة الثانيه
10 حبات جبنه كيري
ملعقة صغيرة فانيليا
ظرفين دريم ويب
اقشطه
نصف كاس ماء مضاف لها ملعقه نسكافيه
3 ملاعق كاكاو بودرة
كلهم بالخلاط لغايه ماتتضاعف الكريمه
نصبهم على البسكويت بهذي الشكل
الطبقة الثالثة
نصف طبقة من البسكويت بعد ماغمسناه بمحلول النسكافية
الطبقه الرابعة
نفتت كيك الجاهز بالشوكلاته
يتبع لعيوووووووونكم
2 ظرف دريم ويب
1قشطة
8 قطع جبنة كيري
وكلهم بالخلاط ونصبهم على طبقة الكيك
نرش بودرة الكاكاو بمنخل سلك بهذي الشكل
ندخله الثلاجة لمدة 3 ساعات واذا مستعجله دخليه الفريزر لغايه مايجمد
نطلعه من الفريزر ونفكه من الصينيه ونزينه بشريطه وأفيونكه على ذوقج
وصحتين وعافيه
ومسامحه على القصوووووور