لا موب شرط اللي تسحب الهواء ماقد استخدمتها لاني مااحتاجها
اشتري اكياس لحم بمقاسات مختلفه واغلف بالجهاز ومتى مافكيت الكيس ع الزبالة وهكذا
حتى الخضار احيانا اتعيجز اقطع سلطة بسبب تجميع اغراضها وقريت لوحدة انها تقسم حق كل يوم في كيس
وبس تجر الكيس وتستخدمه الله يجزاها خير عاد سويت طريقتها بس بكيس لحم وغلفتهم بالجهاز وسويت فيه فتحات سويت حق ٥ ايام وصرت بس اسحب الكيس جاهز واغسل واقطع
واللحم عادي او مفروم اقسم الكميه اللي ابيها واغلفه وعلى الفريز
حتى السمبوسه واصابع الجبن مو كل شي احطه في علب بعض تفريزي في اكياس ملحمه
والجهاز سهل مره كبسة وحدة ماتطولين حتى وفيه كذا درجة حرارة وترا تخزينه مره سهل ماياخذ حيز لانه مستطيل نحيف صراحة انصح فيه مره انا شريته بعد ماقريت تقرير عنه هنا من وحدة مااذكرها الله يجزاها خير وكانت تقول انه يدها اليمين فالمطبخ صادقه والله انه يد يمين فالمطبخ وغير المطبخ
اذكر اني قد وديت عشاي لناس وكنت جايبه الخبز العربي مقطع ومغلف والاكياس توزعت ع السفرة الكل سألني من وين شريتي الخبز مغلف بالطريقة هذي وعلمتهم ع الجهاز
ومفرش السرير الخفيف اذا كنت بغسله فالبيت اجهزه واحطه في اي كيس بس فالغالب الكيس الشفاف اللي يجي من مغسله مع الملابس واقص الحجم اللي ابي واعيد عليه فاللف كذا طبقه ثم اغلفه بالجهاز
يعني استخدامات الجهاز مالها حصر ابداً.
الصفحة الأخيرة
يعني مو شرط الي تسحب الهواء
عشان ماتدخل ريحة الفريزر للاكل