وين اللي تدور قصص الولاده هذي قصه ولادتي :)

بسم الله الرحمن الرحيم


السلام عليكم ورحمه الله

كيفكم ياكروشات ياعسى الله يسهل عليكم ويكتب اجركم


اليوم انا مرره رايقه و ابكتب لكم قصة ولادتي ادري فيكم تحبون قصص الولاده خاصه البكريات<<كنت اموت عليها مااصدق القى وحده كاتبه قصتها :42:

المهم.. دخل الشهر التاسع وانا بطير من الفرح انتظر هالتاسع من يوم حملت عاد بكريه وتعرفون فرحه الحمل
معنوياتي كانت مره مرتفعه وكل شي تمام

لكن من اخذت اسبوع فالتاسع وبدا التعب يزيد والثقل بسراحه التاسع في كفه وباقي الاشهر في كفه تعبه وثقله وقلق وكل شي يالله لاتحرمنا اجره

ورجعت الدكتوره وحددت لي موعد ولادتي في 1رمضان اكون مكمله التاسع بالملي

وفي يوم 28 شعبان من الظهر بدا معي الم خفييف في اسفل ظهري شوي ويوقف ويرجع بعد فتره انا طنشت قلت اكيد كالعاده اللآم غبيه مدري وش تبي

فعلا كان يجيني الآم مدري شلون اوصفها حتى ودي اقول للدكتوره بس وش اقول ماني عارفه اوصف

المهم ..ماجا العشاء الا والام زاد وبدا يعصرني عصر عاد عرفت وقتها انها ولادهوطول الليل الام مستمر كل مانمت اصحى على الم الطلق ويروح ويجي وشديد بس ماهو منتظم

ومشيت ذاك اليوم لين تكسرت وكل ماشدني الطلق وقفت وبس يهدى اشد حيلي واكمل وبجد بجد على الام الا اني كنت مستانسه وفرحانه من قلللللبي والاهم ماكنت خايفه ابدا


وطول الليل على هالموال لين جاء صبح يوم 29 شعبان والالم خلاص صاير شديد ومع ذلك مانزل مني اي شي ابد لادم ولاخيوط ولا شي فقط الم

الساعه 8تحركت من البيت مع ابوي ومرته يالله يسعدهم يارب وتعليقات وضحك قبل اطلع من البيت انا واختي لبى قلبها عاد ابوي انهبل هذي اللي بتولد:35:

بس والله من فرحتي بهالنونو ودددي اشووفه واصير ام واكبكب عليه من حناني <<ايه باين

نكمل..وصلنا لمستشفى قوى الامن قبحهم الله وصلت الطواري وجات الممرضه الفلبينيه الكئيبه تكشف علي لابارك الله في ذاك الوجه اعوذبالله عمري ماشفت زي نفسيتها الخايسه وجها عبوسا قمطريرا:mad:
عاد انا ياحليلي مسالمه وخايفه اسوي شي ازعلها وشكلها شافتني كذا وتفرعنت حسبي الله عليها

وبسراحه الفلبينيات مافي احسن منهم اذا صارو اخلاق يدننوووون اما اذا ربي بلاك بوحده نفسها شينه فمافيه العن منهم

ودخلت يدها من قلب حسيتها وصلت المعده يووووووه قالت باقي اسنين سانتي يمه وتكلمني من طرف خشمها

وانا والله الطلق يوصل 70 و80 واقول بس 2 ياليل شكلي مطوله وجت وحده الله يجزاها خير عطتني ورقه فيها ورد الولاده قعدت اقرى وانا عالسرير

وتميت الين الساعه 11 وبعدها وصلت الدكتوره المناوبه وجت تكشف علي وانا خلاص وصل معي الطلق حده والم وخلاص احس ماعاد اتحمل

قالت 3سانتي وقامت من عندي وقالت تعالي وانا صار وجهي كذا:blink:

واقول في نفسي اهي ميدي شلون الحقها احس ماني قادره اوقف على رجلينيي وجلست ماني مصدقه قلت يمكن يتهيالي انها قالته

شوي جت قالت انتي باقي هنا تعالي يالله قلت يمكن بتصعدني قسم الولاده خلاص :)

وحاولت اقوم وبس وقفت على رجليني يووووو ويجني ذاك الالم صدق خلاااص وصلت معي

واصيح ميد الممرضه جيبي كرسي مقدر امشي عاد ردت علي الخايسه ذيك مدااام امسي مابي مسكلاااا انتي باقي <<عاد هذا غير نظراتها وغير وجها اللي يجيب الاكتئاب الله يسد نفسها


المهم حاولت اخطي خطوتين مااااقدرت الالم زاد بشكل فظيييع عاد قامت فلبينيه ثانيه رحمتني جابت لي كرسي ورحت للدكتوره الا وتعطيني ورقه قالت هذي ورقه تحويل على اي مستشفى تختاريه وعطتني الورقه ورجعت تكمل شغلها

وعادي تنادي اللي بعدي ولا كانها سوت شي

وانا ماني مستوعبه اقول ذي تمزح ولا شلون الحين ياقليله الخاتمه يوم صرت ماني قادره امشي تعطيني تحويل ومن الصبح حابستني عندك ولافيه سرير قلت طيب مافيه احد يوديني ابوي حطني وراح وين القاه الحين

قالت تصرفي يااختي انا مش مسؤله


حسبي الله عليه من مستشفى واخذ الورقه وتاخذني الممرضه وتكبني عند كراسي عند مدخل المستشفى وربي من جد منجد شي يررررفع الضغط

واقعد اصيح من الالم عند البوابه قدام اللي رايح واللي جاي وربي ماعاد قدرت اتحمل خلاص الالم وااصل حده واحزززن ماغير راميه الطرحه والعابيه الله اعلم بحالها ووضعي يرثى له وكل من مر اسمعه يدعي لي رااحميني
ويمر واحد وينفجع من شكلي وصراخي يقولي يااخت تبين الطواري اناديهم لك وانا من الالم والله مارديت
وعمتي قاعده تهاوش معهم داخل والله ولاعبرو احد

وصل ابوي وشاف وضعي خلاص مايحتمل اي تاخير ويقرب السياره ويالله مشوار تعذيب ثاني الين وصلت السياره
على ان المسافه قريبه بس انا منتهيه

ونروح نراكض احترنا وين نروح اي مستشفى ونشوف المدينه الطبيه قدامنا ويالله دخلنا على عماها وجابو كرسي ودخلت وينشبون لنا فالاستقبال لاااازم 5الاف للولاده الطبيعيه و10 للقيصري

وقعد ابوي يتناشب معهم ودخلوني ويازينهم هناك ياربي ارتحت لهم اللممرضات جايين طايرين ياربي حسيت فيه اهتمام شوي وتكشف علي وتنفجع مدااام ولاااده خلااااص هدا 6 سانتي

وربي فرحت يوم قالت 6 خلاص هانت خفت اني اطول كذا الكلام هذا الساع 1 الظهر

ويصعدوني غرفه الولاده وااو غرفه شرحه بسراحه ويجون الممرضات يازينهم بس اهتماااام ويساعدوني ويمسحون على راسي وحنيه وحاااسين فيني موب ذيك المشؤمه اعوذ بالله منها


وتجيني دكتوره سعوديه ياجعل الله يبني لها بيت فالجنه ياجعلها ووالديها فالجنه وتعرفني بنفسها وواسيني بكلمتين وقالت الحين الساع 1 ان شاء الله على الساع 4 وانتي خااالصه

وجت دخلت شي مدري وشو وفتحت كيس الجنين وتنكب المويه وااو انا قلت ياربي كل هالمويه كانتت جواتي

المهم وتبدا الطلوق صح والالم اللي مايلعب:35:

ووهنا انا بقول لكل البكريات اللي متخوفين من الولاده ترى الالم محتمل يعني لاتسمعون لوصف الحريم الحريم دايم ترى يكبرون المساله ويهولونها يعني انا قلت لكم بمصداقيه صحيح الاام لكن ماهو الشي اللي يموت لا شي محتمل

واخذ الاكسجين يالله واحس اني اغفى شوي لدرجه احس اني قاعده احلم واشوف الممرضات واللي حولي زي الحلم

ثم تركته شوي واستعيد وعيي تميت اليت الساع 3 على ذا الحال وبعدها بدا الدفع بديت احس بنزول الجنين واصييح من الالم وجت الدكتوره وجهزوا معداتهم

الدكتوره الحمدلله كانت جدا متعاونه معي الله يجزاها خير

وهنا كان شده الكرب بسراحه في هذا الموقف تذكرت سكرات الموت لااله الا الله وانا اقول في نفسي كيف بتكون سكرات الموت اذا كانت هذي سكره وحده من سكرات الموت

تذكرت ان الدعاء مستجاب هذي اللحظه ودعيت بدعوات لنفسي ولاحبابي لكن الدعوه اللي دعيتها والله وحسييت بجد بجد اني محتاجتها وحسيت قلبي نطق وقالها

دعيت ان الله ينجيني يوم لاينفع مال ولابنون الا من اتى الله بقلب سليم

ولحظات حسيتها طالت من شده الكرب الا واسمع اووووووووواااءءءءء وواااءءءءءءءءء وااااءءءءءءءءءءء ويطلع حبيبي الساعه 4 الا ربع

ياااالبييييييييييييييييييييه يانااااس وطلعوه وحطوه على صدري وانا خلاص صرت اتبسم لا اراديا ويناظرني بعيونه الصعنونه وجبهته معفطه ويصيييح ياااااربي لاتحرمني

حبيته على راسه وانا في دااخلي احساس لايمكن توصفه اي كلمات ولا اي لغه ولا اي حروف

شعور راااااااااااااااااااائع


.....................................



وخذوه غسلوه ولبسوه ولفوه وانا عيوني عليه نسيييييييييييييييييييييييييت المي

وتجي تخيط الدكتوره طبعا المشيمه لما طلعتها ماحسيت فيها ابد وخيطتني ولا صدقت انها خلصت من الخياطه لانها كانت متعبه شوي

واسترخييييت وجابت لي لبس ولبستني وصعدوني غرفه التنويم


وذيك الليله مانمت من فرحتي وكل شوي اشيله واحطه بحضني وارضعه ابيه يفتح عيونه يطالعني مو راضي

ساحب امها نوومه يااالبى قلبه يانااس


اسأل الله العلي القدير انه يرزق كل محرومه ويكتب لها ذريه صالحه طيبه

ادعو لي لولدي ان الله يجعله من الصالحين ويرزقني بره ويحفظه لي هو وابوه .............










وتوته توته خلصت الحتوته:39: