وين امهات الشهر الثاني/ هناك ملف خاص بالمواليد الجدد من الولادة وحتى 3شهور

بجاوبك على بعض الأسئلة:
1. كم الطفل يتبرز كم مره في اليوم انا بنيت تتبرز تقريبا كل يومين مره
على حسب الطفل أنا ولدي كان يتبرز أكثر من مرة في اليوم لكن الأفضل انه مرة أو زي بنتك طبيعي عشان تستفيد من الحليب اللي تشربه
2. يصاحب البراز رائحه عفنه مره احسها تحتاج للترويش
بالعكس الطفل اللي يرضع طبيعي مافيه ريحة ممكن لو تعطينها صناعي يكون فيه ريحة لكن ماتوصل لدرجة العفن
3. حليب الطفل كم مقداره وكم من مره في اليوم مع حليب الصدر
انتي عطيها اول مرة وشوفي كم ترضع من مل انا ولدي كان يرضع 60 مل تقريبا طبعا عالعلبة بيقولون لك يرضع 90 او 120 لكن أشوفها كثيرة لسا صغير أصلا هو ما يقدر يرضعها
هل حواس البيبي تمل احسه لا ينظر بشكل صحيح
لسا نظر الطفل في هذا العمر غير ثابت ومايقدر يركز انتظري شوي

اختي ورقه نعناع ماقصرت وانا بكمل الباقي
5. كيف تنظمين نوم الطفل في هذا العمر
بعد الساعه 7 المساء لا تربطينها خليها تتحرك على راحتها حتى لو نامت ماتكون النومه عميقه بس انتبهي الحين احنا شتاء يعني لبسيها وين زين اهم شي غطي اذونها اذا جت الساعه 12 غير البامبرز ومهديها وبتنام نوم العافيه هالكلام عن تجربته
6. كيف تنظمين شغلك
اذا نامت الله يحفظها خلصي كل شي او الي تقدرين عليه
7. كيف تلعبون مع البيبي وكم الوقت
اذافكيتي المهاد سولفي مها ضحكيها يعني اي شي وفيه اطفال مايلعبون بهالعمر

والله يحفظها للك يارب

مرحبا

و الله الله يعين هالبزيرات على البرد انا بنتي توي جايبتها من المستشفى معها كحه و زكام

و كتب لي على بخار فنتولين و الله اني خايفه منه بس الله يستر

الحليب بنتي للحين ترضع الى 60 و عساها تكملها

بس الغازات ذابحتها دايم صياح رغم اني اعطيها نقط المغص بس ما تريحها

و النوم و الله مشكله بعد تنام بالنهار و تقوم بالليل مدري وشلون اقلب نومها

الله يعينا بس

مشكوره اختي على طرح الموضوع و اتمنى يكون فيه تجاوب من بقية الامهات

انا اعني من ريحة عفن بالغازات
هل هالشي طبيعي؟
و اذا بغير حليبها كيف اغيره؟

البراز من مرة الى مرتين او ثلاث باليوم وممكن يمر يوم او يومين ماتبرز هذا شي طبيعي بس المهم مايكون فيه امساك ولا اسهال
رائحة البراز العفنه غالبا تكون من الحليب الصناعي او قديكون الطفل يعاني من مشكلة صحيه لذا لابد من عرضه على الطبيب
كمية الحليب تختلف من طفل الى اخروالافضل في هذا السن تكون الرضاعة من الصدر حسب الطلب اي كلما اراد الطفل بالاضافة الى رضعه او رضعتين من الحليب الصناعي اذا احست الام ان حليبها غير كافي والكمية تكون مابين 60 الى 90 مل حسب شهية الطفل ومدى جوعه
تعرفين ان الطفل شبع اما بتركه للثدي او بنومه نوما هادئا بدون بكاء او باخراجه للحليب الزائد من فمه وعموما اذا كان وزن الطفل يزيد بشكل طبيعي فهذا يعني انه يأخذ كفايته من الحليب
بالنسبه للنوم فصعب جدا تنظيم نومه في هذه السن المبكرة ففي بعض الايام سوف ينام في النهار ويستيقظ في الليل واحيانا العكس وممكن مغص بسيط يلخبط نظام نومه
حاولي تنجزين اعمالك وقت نومه قدر الامكان او استعيني بشخص اخر لمساعدتك
وبالنسبه لحواس الطفل في هذه المرحله فجميعها تعمل ولكنه لايستطيع تركيز نظره بشكل جيد في هذه الفترة وسوف يتحسن في الشهور القادمة
وبالنسبه للعب كل ماكنت فاضيه وكان هو مزاجه رايق وشبعان ومافيه نوم ناغيه وكبسيه وتكلمي معاه
وانشالله اكون افدتك