وين بنات الشرقيه راعيات الفزعه / تفصيل كنب وموكيت

هلا أختي عندك مجمع التلفزيون..........يناسب جميع الأذواق وفيه الغالي والرخيص..وبالتوفيق.

سوق التلفزيون في الدمام اذا تبغي رخيص وفيه كل شي تنجيد وتفصيل وستاير وموكيت
بس حرف ال في محلات كثير فيها جاهز وراقي ورائعه الوانها زي ديموس في الشاطي والدليجان ودبليو ستي واسعارها جدا معقوله

سوق التلفزيون......انا شفت عند محل اسمه الشلوي جلسه تهبل بفصل زيها ان شاء الله مع شوية تعديل والله يا بلاش بالفين ريال....وعلى الموضه الخداديات ملونه والجلسه شامواه ويفصل لك اي نوع قماش تبغينه واي موديل..........وعندهم اقمشه روعه..........وفيه محلات بالخبر انا فصلت عندهم بس ايام السوق كان رخيص فصلت جلسه اللي على شكل ال مدري انا اسميها كذا (جلسه) المهم ب4 الاف و لها سبع سنوات والحين بغيرها من الدمام .......واي سؤال انا حاضره لاني زيك الحين بفصل وحده.........ان شاء الله اكون افدتك......

ماقصروووا البنات

محلات المنصور في مخطط 8 يتراوح سعر المتر عندهم من 380 الى 500 بس مواعيدهم زفت ازفت شي
وشوفي الشارع المقابل له ارخص يمكن 300 المتر وارخص شي سوق التلفزيون
واذا تمشيتي بنفس الشارع تلاقين الموكيت والزل (السجاد) والآن المفروشات الاقتصادية (السريع ) عندهم تخفيضات واكثر شي عالسجاد