وين بنات دبي عني؟؟؟؟؟؟؟؟؟؟؟

و عليكم السلام و رحمة الله و بركاته



جامعات خاصة ما أعرف بس حكومية
جامعة زايد

ما فيها سكن
فيها مواصلات

أسهل و أحلى تخصص
Marketing
أصعب تخصص
Accounting

أحس هذا على حسب ميولج يعني يمكن أنا أشوفه صعب و انتِ اتشوفينه سهل

بعدني ما دخلت الجامعة بس سألتلج بنت خالتي

مرحبا بج

خاصه ؟

شي جامعه الغرير بس مادرى جان هالتخصص عندهم
دقي عليهم وسئلي

شي كليه دبي للبنات بس مادرى خاصه ولا حكوميه

شي جامعه الشارقه للبنات
وفيها سكن ومواصلات وكل شي بفلوس
بس تراها ما تتطوف راااااائعه

سلام عليكم

السلام عليكم
مشكور أختي ريج الجنان على ردج بس حبيت أقولج أنا أريد أسجل لهذا الكورس و التسجيل في جامعة زايد خلص
و حبيت أشكر كراميل على ردج و عنوني المشكله انه معظم الجامعات في البلاد بدوا فيها الدراسه و أنتي شو قصدج بكلية دبي للبنات تقصدين التقنيه؟و جامعه الغرير للاسف بدوا فيها الدراسه
أختي sticky مشكوره على ردج بس صراحتن فيني فضول و اريد اسالج أنتي شو تخصصج؟ و في جامعات في البلاد فيها تخصص موارد بشريه
وحبيت آخذ رايكم في كلية دبي الجامعيه اشرايكم فيها و انا خاطريا أدرس منجمنت شو رايكم بهالتخصص؟؟؟؟؟؟؟؟؟
و مشكورين بنات الامارات على ردودكم و صراحتن ما اتوقعت أحصل 3 ردود أتوقعت أقل و الله بس هذا العشم فيكم و الحمد لله ما خاب ظني فيكم:24:
مشكورين حبايبي:27:

السلام عليكم

خلينى ابدا من البداية
التخصصات موجودة والجامعات موجودة بس ما هو المطلوب منك؟
اغلب الجامعات الخاصة في الامارات وفى دبى خاصة هى جامعات لغة التدريس فيها الانجليزية ما عدا جامعة الشارقة, لذا مطلوب منك مستوى لغة انجليزية متقدم او لازم تحضرين كورس تحضيرى.
السكن متوفر في اغلب الجامعات عدا كلية دبى الجامعية.
الخيارات المطروحة امامك من الجامعات
كلية دبى الجامعية جيدة جدا ومعترف بها من التعليم العالى
www.duc.ac.ae
الجامعة الامريكية في دبى
www.aud.edu
جامعة ولونغونغ
www.uowdubai.ac.ae
جامعة الشارقة
www.sharjah.ac.ae
الجامعة الامريكية في الشارقة
www.aus.ac.ae
جامعة ابوظبى
www.adu.ac.ae
جامعة عجمان للعلوم والتكنولوجيا
www.ajman.ac.ae
اما كليات التقنية العليا وجامعة زايد فهى لمواطنى دولة الامارات فقط

زورى المواقع وستجدين المعلومات المتعلقة بالتخصصات المطروحة في مجال ادارة الاعمال وكلها على مستوى اكاديمى عالى.


اتمنى انك تستفيدين ان شاء الله :)

هلا
الاخت احلام الغد ما قصرت
بس بعد ابا اقولج عن الجامعة اللي انا ادرس فيها لانها وايد روعة
جامعة wollongong
هاي جامعة استرالية معترف بكل كورساتها من وزارة التعليم العالي، و على المستوى الدولي هي ترتيبها الثالث في استراليا
موقعها وايد روعة في جميرا عدال الميديا سيتي و الانترنت سيتي و على شارع افخم الفنادق في دبي
المنطقة وايد هادية و كلها فلل، و الجامعة عندها فللها الخاصة وايد روعة و عندها بعد مواصلات بس اذا سكنتي في سكن الجامعة ما تحتاجين مواصلات لان الفلل مرة عدال الجامعة
السكن ب 1500 درهم اظني مع الاكل.
انا احضر عندهم ماجستير اقتصاد دولي، اغلب الدكاترة استراليين او كنديين
التخصص اللي اخترتيه وايد روعة Management تقدرين بعده تسوين كذا شي بعدين

و موفقة حبيبتي