وين تروح الفلوس؟؟ شسوي فيه ؟؟

السلام عليكم






اللي بتدخل تقول لي تستاهلين ماجاك رجاء من الحين لاتدخل والله مو ناقصتها



ياطويلات العمر

الرجال مو كلهم بس منهم يجيب النكد اعوذ بالله

اللي عندي كنت اقول مسكين طفران واسامح واتنازل عن اشياء كثيرة لي

حتى الملابس والسوق والمكياج والذهب وكل شيء حتى اكسسوارات ابو ريالين مااطالبه يشتري لي

لانه دايم يتشكى ويقول ماعندي فلوس

وانا الغبية البلهاااء ارحمه

واقول اي صدق

واشوف ديونه وهو يسدد للناس والسيارة تقسيط

بس يومنه تعود على سكوتي صار عادي عنده
والحين اطلبه يقول ماعندي شيء

الاسبوع اللي راح يقول اخذوها نظام ساهر علي واحنا رايحين جدة يقول خصموا عليه 1400 ريال

صدقته انا الهبيلة ورحمته ولو دريت انه كذاب في وقتها كان فتحت باب السيارة ورفسته

ياناس دوووبني داخلة موقع ساهر اللي يعلمك عن المخالفات كم عليك

وطلب رقم الهوية وجبت بطاقته ودخلت رقم الهوية

وش طلع لي؟

طلع صاافي نظيف ماعليه سجل

وتاريخ اخر فاتورة مكتوب عليها : 0

صفر

يعني كذب علي

شسوي فيه؟

ماهي اول مرة يكذب

لي ياناس ثلاث سنين او اربعه مايشحن جوالي الا بالمضاااربة والصياح

يشحن غصب عنه وكم؟ 20 ريال

وهو كل يوم ويومين يشحن جواله ماعليه خلاف



الحين شسوي فيه؟

اقول له على كذبه حق ساهر؟

والا اسكت؟

لاني ناوية اروح لاهلي هذا الاسبوع

ودي اجلس معه ومع ابوي واخواني جلسة محبة وسوالف وشاهي

وفجاة اطلع كل اللي مسوية فيني

اني لاخذ عقولهم وعقله



انا يياناس ماطلبته ذهب مثل الحريم ولاملابس ولاحتى علبة مكياج

تدرون بالله مكياج من متى عندي؟ من اغراض زوااجي

من بعدها غلب طبعه علي

لكن هين

هذاني يابنات حواء اكتبها لكم

اني لاخترج فلوسي من عيونه

وقد قلت لامي اني لاطالبه بالنفقة علي لانه واجبة عليه

حتى لو وصلتها للمحكمة عاادي جدا

ليه احنا الحريم نتنازل عن حقوقنا ؟

اقل شيء مصروف شهري يحطه حتى لو فقران

كانت ظروفه سيئة ووقفت معه

بالاخير يقول لي : مالك فضل علي

ويقول: مالك شيء عندي

تدرون وش امنيتي؟

امنيتي اني اروح اللسوق مثل الحريم ومعي محفظة فيها فلوس

اخذ اللي يعجبني

لي ولعيالي

ودي اخذ لي من هذيك الشنط والبلايز

والبنطلونات

ودي اني اخذ ولااحد يقول لي لا



الله يفرجها من عنده

انا والله العظيم ويشهد الله ماحطيت موضوعي عشان اشحذ

لاوالله لكني من قهري ابيكم تعلمووني شسوي؟

اقول له عن ساهر ؟ والا انطم ؟؟

لاتنسون تدعون لي الله يرزقني من عنده من رزقه ولايحوجني لاحد من خلقه

لا لزوجي ولالأهلي ولالأحد من الناس

قولوا آمين تكفووون :icon33:

يارب تفرج همي وترزقني من فضلك

يارب اكفني بحلالك عن حرامك
وبفضلك عمن سواك

والله العظيم اني منقهرة مرة :(