وين حنا عايشين !!!! السوق

احترت كثير في المقدمه و ما غير امسح و اكتب وامسح واكتب

بس في كلام يقرقع في قلبي و يبي يطلع

بعد رحله عنا وفرفره في السوق متعبه وطافيه تدخلين كوفي ولا مطعم تسدين جوعك وعشان ترجعين
تتسوقين بكميه نشاط

بس (( بعض )) تصرفات جد جد تحسسك انك عايشه في مجتمع ***؟**؟**

فئه الاولى
من الذوق و الاتكيت انك ما تغيرين للبيبي على طاوله الناس تاكل عليها عيب يالنظيفه :upsidedow :upsidedow :upsidedow
حتى لو ما توسخت الموضوع مجرد رويتها مقرفه تخيلي تاكلين بـ امان الله رفعتي راسك لاقيتي
الام تنظف لولدها قدامك بتشتهين تكملين اكلك ؟؟؟ وبعدين حتى لو ما توسخ المكان وحتى لو مسحتيه وعقمتيه من بيشتهي يقعد على الطاوله + الريحه الفواحه الي شممتيها الي حولك ،
كلي بالعافيه وبعدها روحي للحمام وصدقيني اقل من ١٠ دقايق ما ياخذ السوق مايطير


الفئه الثانيه
موضوع مستفز كثيرا طلبتي و خلصتي اكل عليك بالف عافيه مطرح مايسري يمري بس المفروض خلصتي قومي مو مشكله ريحو دقايق لو مررره هالكنين وبعدها قومو فيه ناااااااس مو لاقين اماكن وانتي جالسه تسولفين >> ناس طلبت وبدا اكلها يبرد ولا ساح اسكريمها و انتي جالسه ، وكله كوم و المنظر الي مر علي ذاك اليوم كوم ثاني ارسلت الام بنتها الصغيرر تسال اذا خلصو ولا لا لان الواضح انهم خالصين من القراطيس ، المهم ردت الحرمه من جوا لا باقي ومطولين و تكلم الي جنبها تقول احسن خليهم واقفين ،، عفوا !!!! بينك وبينها شي ، تعرفينها ، ضرتك بشي ايش الاستفزاز و الانانيه ماله داعي النذاله اذا شفتي وحده تدور بصينيتها تستنذلين و تسوين افلام معناتها لو تموتين ماراح اقوم و تلف الضعيف للجهه الثانيه ويعطونها ناس نظره عشم ابليس في الجنه ماهذه الـ شفاااااااحه ايها القوم


الفئّه الثالثه
الاجانب حبيبين على قلبي :pinklove: بس يا غريب كن اديب !!
انتم ما تتغطون تضايقون الناس في الاماكن الي فيها بارتيشن ليه ؟؟؟
خصوصا انكم راعين كيف يعني جلستكم بالساعتين و فيها ...


الفئه الرابعه
راعين كيف فعلا جايبه ترمس قهوتها و فناجيل و تمر وتقدع كنها في بيتها
المشكله انها نص مسكر عليها لا تشوف ولا فيه متعه ولا حتى نص فيو
جدران لو رايحه و كاشته في حديقه حيهم ازين وهاذي الفئه خلتني اكتب موضوعي
جالسه اتعشى بامان الله في احد الاسواق ولا تسمعين الهواش وحده تقهوى و الثانيه مو
لاقيه مكان وشكلها جايعه :biggthump وطلعت حرتها في ذا الضعيفه :ohmy:
وذي تحط كلمه وذي ترد الصوت عالي والرجال مطيرين عيونهم
هوشه حرررريم يا حبيبي :pinklove: المهم يدخلون الحريم ويفككونهم
بس صدق ماله داعي قهوتك معك تقهوي في بيتك
و الثانيه ماله داعي المشاكل ولفت النظر تركتي كل الاماكن وحلا ذا المكان يا سبحان الله :)


الفئه الخامسه
اشد الفئات استفزاز الي تدرعم شوي ووتقعد معكم وتسال خلصتو وتاخذ لها قز سريعه وتفحص
انا لو بخلص بقوم وش بيقعدني جايه اقعد ؟؟؟ لو ابي القعده قعدت في بيتنا


اشوف افضل حل لو جلستي اكثر من نص ساعه ادفعي عن كل دقيقه تمر »» يعني تصير القعده بفلوس عقب نص ساعه ويالله يفيد مع هالشعب الي مايبي يرتقي ويصير اخلاق




ملاحظات
١- انا ماقصدت اشخاص بعينها في هذا الموضوع
٢- كلامي يستثنى منه الحريم الكبار في السن و مرضى العربيات و الناس الي جد تحسينهم تعبانين
٣- الموضوع و الشفاحه هاذي بس نلقاها بس السعوديه بس اذا راحو برى مشو سيدا

هل من اقترحات لقضاء على هالفـئات :pinklove: