والله الواحد يحن لأيام العزوبيه
الله يحفظ عيالي ويخليهم لي ويخلي أبوهم
بس يجيني شعور واتذكر ايام العزوبيه والهبال 😜
مو من ناحية الطلعات لا ما اعاني من هالنقطه لا عند اهلي ولا مع زوجي
بس ماعندي مسؤليه
هذا الشيء بحد ذاته راحه
الحين كل شي أفكر فيه حتى مستقبلهم البعيد أفكر فيه
فأنتي يا قلبي عيشي كل عمر بعمره
توك تدرسين خلي كل كل تركيزك على دراستك
وفكري بمصلحتك قبل كل شيء
وإذا طق بابكم واحد ترضون خلقه ومميزاته حلوه
أستخيري بس حالياً فكري بدراستك وشهادتك ، صبي كل طاقتك بالجانب هذا
واشرطي تسكنين بمدينه كبيره 😜

فعلا الزواج افضلل بكثير من العزوبيه 
حرة نفسك♡ وبيت ومملكه لوحدك ♡وعيالك حولك..
يالله لك الحمد♡♡

الله يعينك عيشه تقصر العمر لكن نصيحة لاتتزوجي زواجه اي كلام خدي واحد مخه مفتوح مو مصدي اهممم شيء تفكيرو راقي لاتطيحي بواحد يعيشك عيشه اقشر من اللي انتي فيها

ياقلبي الزواج مسؤوليه كبييييره اكثر شي يتحمل فيها ويصبر الزوجه عليها حمل كبييير ... يخفف هالحمل شوي ويهونه اذا كان الزوج طيب وحبيب وهذا توفيق من الله محد يدري وش نصيبه 
ويزيد هالمسؤليه عذاب والم وتعب اذا الزوج سيئ اخلاق وعشره وتعامل ... 

ويحلي هالزواج الاطفال ... 


وفي النهايه هو نصيب ... يمكن تتزوجي بعد سنه ويمكن بعد عشر سنوات ماتدري وش نصيبك ... فلاتعبي نفسك وتفكرين بسبب الملل والفراغ .. هو ماهو لعبه عشان اذا ملينا وطفشنا تمنينا نتزوج 



انت في عمر حلو ودراسه ومستقبل خططي لمستقبلك صح ولا تتنازلي عن دراستك وشدي حيلك وحطي طاقتك فيها واشغلي وقت فراغك فيها .... 


تدري ليه .. لان ان كان نصيبك رجل طيب وحبيب وحسن المعشر وان شاءالله هذا نصيبك ونصيب كل بنت ... انت كسبتي سعادتين زواج هادئ وموفق .. ووظيفه تزيد هذا الزواج نجاح وتوفيق وسعاده ... 



وان كان نصيبك زوج سيئ الطباع والاخلاق والعشره .. 
انت ماخسرتي الكثير باقي انك نجحتي في مستقبلك ودراستك وبتكون عون لك وتخفف عليك معناة الزواج من رجل كذا وتكون سند لك في الحياة ... 

حبيبتي 
مافيه احد مرتاح في دنيا  صدقيني 
كلنا نمر في مشاكل حتى المتزوجات 
لاتتوقعين ان الزواج  فله ووناسه  دايم 
احيانا  ننخنق من الطفش  والملل