وين راح زوجي؟ وربي انا منهاره..!

صباح الخير
بنات انا اكتب لكم وانا منهاره جدا وميته صياح
عمري مااسودت الدنيا بوجهي زي هاالايام وعمري ماكرهت نفسسي وكرهت اللي حولي زي هالايام
بنات راح ادخل لكم بالمشكلة وابيكم تساعدوني وتطمنوني وتدعون لزوجي يرجع لي سالم غانم يارب
زوجي اتكالي مايشتغل من تزوجته متكل علي بالمصاريف وانا كنت اشتغل بشغل مايدخل فلوس كثيره
المهم كان ياخذ راتبي وكنت اساعده باني اخذ من اهلي واعطيه(اعرف هالشي غلط)
المهم كان يبحث عن عمل ويشتغل شهر شهرين ويطلع اخر شي اشتغل بشركة ( برا منطقتنا)من اربعه شهورولها مميزات كثيره والى الان ماستلم ولاشي لاراتب ولاغيره..ولا دبر لي سكن هناك ولاشي
وطول هالفترة تاركني ببيت اهلي مع بنتي ولااعطاني ولاريال مع العلم اني هالسنة مااشتغلت
انا متضايقه ومسكرة الدنيا فيني اهلي بخير ونعمه واستحي اطلب منهم لاني استحيت من جد وهم ماقصروا معاي ابد بس انا ابي احس بكياني
تخيلوا يابنات من درجه الالم اللي فيني راجعت طبيبه نفسية وانا الى اليوم اتعالج معها
اهلي قالوا لي لازم تقسين على زوجك ابعدي عنه لاتكلمينه عشان يحس وقلت للدكتوره هالكلام قالت ماراح تقدرين لان شخصيتك مو كذا
بنات طلع عندي اكتئاب وقلق بسبب هالمشاكل المادية اللي بينا
وعدم ثقه بالنفس وخوف وخجل واشياء كثيره صارت لي بسببه
بعد ماتعالجت عند الدكتوره حسيت اني تغيرت شوي وبيوم اتصلت على زوجي طلبت منه يجيب اغراض لبنته وقال بجيبها لك بالليل
جا بالليل وماجاب لي شي وطبعا مامعه جوال اتصل على اهله يقولون ماجا، وفي الى اليوم الثاني الصبح وكانت فيه عزيمة كبيره عند اهلي وكان هو بيجي وكنت طلبت منه يوديني للسوق اشتري لي ولبنتي وطبعا ماجا
بيوم العزيمة الصبح قمت من النوم متنرفزة واتصلت على البيت وردت امه وقلت لها وينه قالت نايم وقلت قومية وراحت وقالت يقول ان صحى بيكللمك انا قمت اتكلم عند امه بكل اللي بيني وبينه وهذي المره الاولى اللي اشكي لاهله عنه(قلت ترى بنته تبي اغراض وخوالها تعبوا وهم يصرفون عليها واذا بيكون رجال يقابلني انا وبنته او يطلقني مابيه ) وقلت لها ودي له السماعه وودت له وكلمته وقلت له نفس الكلام واذا منت قادر طلقني واذا منت مطلق بشكي عليك ومعي الف حق اني اطلب الطلاق منك قال مايصير خاطرك الاطيب وضاق صدره وانكسر صوته
العصر بنفس يوم العزيمة دقيت عليه وكلمته وقلت له بتجيب لي فلوس؟ قال ايه العصر ومايصير خاطرك الاطيب قلت بنتظرك قال اكي
جا العصر المغرب ماجا العزيمة ما جا وبعد العزيمة بيوم اللي هو امس دقت امه علي تسالني عنه تقول انه من طلع العصر(يعني صار له يومين غايب) مارجع للبيت ومامعه جوال ولاشي واصدقاه اللي نعرف ارقامه كلمناهم وقالوا ماشفناه من زمان
انا خايفه عليه من جد منهبله واحس اني السبب باللي صار له واني نكدت عليه
بنات تكفون ساعدوني وش اسوي؟ هل انا غلطت او لا
انتظركمتواسوني من جد انا تعبانه