هلا وصايف.. أنا قارية لوحدة من كم يوم تشكي من هالشي ورديت عليها على أسا انه وحدة من الأهل صارلها نفس الشي.. بس أنا بعدني ماكنت مكتشفة اللي فيني ومادري هل هي انتي اللي كنتي تسألين أو لا؟؟

المهم الدكتورة اكتشفت طبعا أثناء فحصها تعرفين لازم يشوفون بايدهم راس الياهل تحت السرة.. بس وهي تحاول تمسك ماشافت الراس.. سمعتها تقول وين راسه.. وبعدين بالكشف بالسونار اتضح انه انحاس لفوق.. بس من قالتلي هالكلام وأنا دموعي أربع أربع.. والله تذكرت العملية.. طبعا قامت تحطي كلينكس على بطني وتحاول تحيس الياهل.. مرات فيه ألم ومرات عادي.. وكل شوي تشوف بالسونار لين ماعتدل بوضعه.. وعطتني موعد بعد أسبوعين بس قلتلها لا وايد بعيد ماقدر أتحمل يمكن ينقلب قالتلي خلاص تعالي بعد أسبوع ونجيك بس طمنتني ان شالله ماينقلب..

وهالسالفة على قولتها صعبة اذا عدى الحمل 34 أسبوع بس أنا لأني ب 35 فقدرت ترجعه عادي.. وسألتها اذا كان للتقليب اللي يكون زيادة وقت المنام قالت جايز.. لأني فعلا من كم يوم ماخذني أرق وطول الوقت وأنا أتقلب يمين شمال.. ومن هالسالفة أول أجلس وبعدين أنقلب قلت أتعب ألحين ولا بعدين..

بسألج انتي بأي أسبوع ترى اذا توج داخلة شهرج بيكون الوضع عادي بس اذا متأخرة شوي صعبة.. لاكن بعد لاتخافين لأنه العلم تطور وثاني شي يمكن يرجع بوضعه حتى وقت الولاده.. خبريني وطمنيني عليج.. والله يسهل عالجميع ان شالله..

الله يهون عليك اختي
انا بالثلث الاخير من الثامن بس الطبيبه خوفتني انا المفروض بهالوقت يكون الراس مستعد تحت ومع السونار قالتلي شوفي الراس بين ضلوعك والرجول في الحوض سبحان الله
هالكلام من اسبوع ومدري تعدل ولا لا
والله مالي الا الدعاء على طول الوقت ادعي والله يسهل علينا جميع

أسأل الله الرحمن الرحيم انه يهون ولادتكم ويقومكم بالسلامة يارب......................:26:

أختي وصايف مادام بعدج بالثامن.. سيري لدكتورة شاطرة أو ترى تقدر تحيسه لج من ألحين أحسن لاتنتظرين وايد..

أو جيكي على عمرج أسبوعيا.. راجعي الدكتورة.. وان شالله خير..

طمنيني عليج..