وين معهد الخياطه يبنات الرياض

بنااااااااااات الله يجزاكم خير ردو علي والله محتاجته مرررره

هلا اختي

توي اشوف الموضوع

معليش متاخخرة بالرد

بالنسبة لمعهد الخياطة الي تقولين

فيه ثنين

واحد

المعهد المهني الثانوي

وله فرعين في الرياض

واحد في حي صلاح الدين (خلف مفروشات الصبان ومشغل دار الجمال)

و هذا دراسة فيه :27:

و الفرع الثاني بالعريجاء

هذا المعهد مو بس خياطة

فيه طبخ كمان :angry:
وفيه مواد نظري

تشبه لمواد الثانوي شوي



أما المعهد الثاني

فــ اسمه

مركز التدريب المهني للبنات

هذا بس خياطة

موقعه بشرق الرياض

ماعندي عنه معلومات كثير

صراحة


وبالنسبة لشهادتك

عادي مايبون الا شهادة متوسطة اصلا

يعني مايصلح خريجة ثانوي تدخله

ومن ضمن الشروط

انك تكوني سعودية :D


اتمنى افدتك

واي استفسار

انا بالخدمة : )

السلام عليكم ورحمة الله وبكاته
اشكرك اختي على مساعدتك بس انا الي اقصده معهد بس للخياطه مافيه طبخ ودروس نظري
وجزاك الله خير اختي ماقصرتي

وعليكم السلام :27:


طيب مركز التدريب المهني

بس خياطة

يختلف ترى عن المعهد المهني



بالتوفيق

اهلين اختي سحر المعهد الي في شرق الرياض هذا
تتخرجي منه بس بشهاده وحده وهي خبره في الخياطه .. ويقبلون اي شهاده
وانا ما انصحك عليه ..
انصحك على الي في حي صلاح الدين الأيوبي
لأنه تضربي عصفورين بحجر واحد منها شهادة الخياطه و شهادة الثانوي
وتصيرن مثلي في المستقبل انشالله
اما دروس النضري سهله جدا والمدرسات بجننون ولا المديره عسل عليها نضام رهيب
بصراحه اول مره تعجبني مديره الله يخليها لأهلاها ولنا انشاالله اللهم امين..
اما التدبير اذاكنتي ما تحبي تطبخي بيكون عليك صعوبه شوي بس ومدرساته ماعليهن فيه وفيه..
وناخذ في اول: في الطبخ ماده وحده وهيا عامه يعلمونك كيف تطبخين وكيف تاخذي الماكاييل وطبخ عام مثل (كفتة اللحم- شوي الدجاج- وكرات البسكوت....الخ)
وفي ثاني ناخذ مادتين:
-الصناعات والله ممتعه هذي الماده ونصلح فيها (العصير- المربى -المخلل -الكاتشب ....الخ)
يعني مثل المعلبات الي تبعا في السوق...
- والعجائن بصرحه هي كل شي تصلحين فيه عجينه ناخذه مثل(البسكوتات -الكيكات وتجميلها -الفطائر -بلح الشام .....الخ)
اما مدرسات الخياطه وخري عنهم بجننون يعلمونك كل شي عن الخياطه من(تطريز-وشك- وملابس اطفال- وبلوزه -وتنوره- فساتين زواج- تصميم موديلاات ....الخ)





بصراحه هذا بختصار عن المعهد المهني انصحك تدخلينه ونشوفك السنه الجايه انشاالله..

بس فيه ملاحضه عند التسجيل :
لايكون عمرك فوق العشرين
وسجلي اول العطله لأنه في اختبار قبول (اختبار خرابيط )لاتخافي منه تافه..
وبتوفيق انشالله..