وين موقع سوق الجامعه مول بجده

والله شوفي هو حلو
انا شريت منه لبس العيد العام الماضي من مارينا
تلقيه في حي الجامعه
كأنك رايحه على الجامعه ( جامعة الملك عبد العزيز )
يعني الجامعه تكون امامك وهو يسارك
هو مجمع كبير
جنبه هايبر بندة وسوق الجامعه
وحلويات العماد
بصراحه حلو ينفع
بس انا من رمضان مارحته يعني مادري كيف فساتين السهرة ؟؟
اذا رحتي اعطيني خبر

اختي ياللي بتسوي اعلان للكوافيرة
ايش دخل اعلانك بالموضوع

مشكوره زوجة باسم انا مو من جده

يعنى ادخل حي الجامعه ولاكيف انا ابجى من طريق مكة فياليت توصفين لى

وكمان توصفين لى السوق مركز كبير ولا اسواق كثيره مثل البلد اللى فى جده
والقا لوحه مكتوب عليها سوق جامعه ولا ايش اسم السوق

معليش ااتعبتك معاى
وجزاكى الله الف الف خير ويدخلكى الجنان

لاعادي حبيبتي احنا لبعض
والله من طريق مكة ما اعرف بالضبط انا يالله الخراج احفظ اللي بجدة
بس انتي لازم تدخلي حي الجامعه
وبعدين هو مركز كبير ماهي مثل البلد
لا سوق زي سوق الحجاز والضيافة فهمتيني يعني مركز
وحتلقي المركز نفسه مكتوب عليه الجامعة مول وفيه اصلا حي الجامعه حي شعبي شوي بس السوق هذا مرة واضح فيه
انتي اوصلي الجامعه وانتي حتلقيه
وانا اسأل ابو العيال واذا وصف لي وصف دقيق تاني كتبت لك
بالنسبة لاسم السوق هو مركز كبير وحتلقي مكتوب الجامعه مول وجنبه لصق هايبر بندة وسوق الجامعه عليه حرف ج كبير

شوفي ياستي جبت لك العنوان من ابو الشباب
العنوان:
بعد ماتوصلي جده بعد نقطة التفتيش في مفرق على يدك اليمين (( اللي هو طريق المطار ))
تمشي على طول الين يقابلك كوبري الجامعه (في لوحة مكتوب عليها كوبري جامعة الملك عبدالعزيز )
المهم
تطلعي الكوبري وتنزلي منه وتمشي على طول الين يقابلك دوار الجامعه خلي الجامعه يمين
خذي الدوار وروحي يسار وادخلي حي الجامعه حتلقي على يمينك الجامعه مول وهايبر بندة
خلالالالاص وقفي سيارتك بالمواقف وادخلي هههههههه
واشتري
بالتوفيق
ان شاء الله اكون افدتك