انا رحت لسويسرا (جنيف ) حلوة بس غالية . والشوكلاته عندهم تجنن وبرخص التراب وملاهي خيالية .
ورحت فرنسا ( باريس ) فيها مناضر حلوة وباردة والملابس غالية والجزم اسعارها معقوله
ورحت للنمسا ( سازبورك ) بصراحة خيالية ( جنة الدنيا )
ورحت إستراليا ( سدني والكولد كوست ) بلد بارد وغالية ,وملاهي سينمائية عجيبة .
ورحت الفلبين ( مانيلا ) رخيصة بقدر ما أقول رخيصة .
ولكن شعب ترحمينه , إحنا بنعمة ولله المد والمنة .
ورحت نيوزلندا طبيعة حلوة وشعب أحلى .
ورحت دبي . البحرين . وهذولا غنى عن التعريف .
ماليزيا مناظر طبيعيه واسعار رخيصة وشعب لطيف.



ومن اردات الراحة النفسية تروح لمكة وجوها الآيماني

انا رحت النمسا هي حلوه لكن بضاعتهم مش وايد حلوه واسواقهم محدوده

رحت جنيف وهي من اجمل البلدان ...بلاد نظيفه شعبها راقي جدا ويبتسمون في وجهك ويصبحون عليج وانتي ماتعرفينهم

رحت فرنسا...كأنها مصر حشره وناس وناسه والشعب ماعندهم مشكله عادي لين الساعه 4 بالليل يتمشون وسوقها حلوه لكن المعيشه وكل مالها تغلا ..في ناس يقولون تعاملهم مش ولا بد لكن انا اشوف بالعكس القى الكل يخدمني

وبقولكم موقف صار لي هناك مره رحت حديقه مع الخدامه وبنتي واختي الصغيره المهم كلهم راحوا الفندق وانا احسبهم ضاعوا وقعدت ادورهم ويوم اتصلت على الجوال لقيتهم في الفندق
فقلت لهم طرشولي السياره او حد يجيني قالوا لي السايق راح يتغدى ..تعالي بتكسي...وبصراحه انا ماحب التكاسي
فتميت امشي وانا ماعرف وين بروح فجاني رجال كبير في السن وكان يلاحظ من نظراتي اني ضاعيه مادل
وسألني وين بتروحين قلت لها الشانزلزيه قالي زين امش وراي وتميت امشي وراه من بعيد لبعيد لين ماوصلت الفندق :27:

رحت لندن وهي حلوه لكن ممله مش نفس باريس شرحه وطبعا سوقها مايبيله كلام لكن احس ان شعبها زفت

رحت بلجيكا وهي من اكثر البدان الي حبيتها ومحلاتهم كلها شوكلاته ومطاعهم اتجنن وبصراحه البلاد مميزه وكأنج في العصور الوسطى في شوارعها ومبانيها وحتى عرابات الخيول

رحت لبنان سوقها حلو لكنها غاليه نفس اوربا لكنها مش ونيسه

رحت مصر وهي احب بلد عربي لقلبي حلوه وماتحسين بلملل فيها واحس انها بلد تمشيه مش حق سوق

ورحت البحرين والامارات وطبعا غنين عن التعريف

السلام عليكم..

اختي انا رحت لدبي ولصلاله ..

بس دايما اغلب سفراتنا داخل السعودية الله يحفظها امنه مطمئنة وعلى قوله lumeeمكة مافيه اروع منها ولا اريح للنفس ..

بس انا عندي ملاحظه انه لايجوز السفر لبلاد اهل الشرك الا لمسوغ شرعي وليس قصد السياحة مسوغ للسفر لقول النبي صلى الله عليه وسلم ((انا بريء من كل يقيم بين اظهر المشركين))رواه ابوداود والترمذي والنسائي..

من كتاب فتاوى اللجنة الدائمة للبحوث العلمية والافتاء..

انتبهوا يابنات لا تبيعون دينكم بدنياكم..

تحياتي.ز

رحت دبي بس دايما اروحها في مهرجان التسوق بصراحة ماعليها كلام الله يهني اهل الامارات ..
رحت ايران ..حلوة .ورخيصة وامان ..
رحت تركيا وانبسط فيها اخر انبساط وناسة بس تخوف في الليل الساعة عشرة او عشرة ونص نرجع الفندق ..
والبحرين كل اسبوع اروحها ..:42:

انا سافرت
تركيا - الاردن - البحرين - دبي -

وبصراحة عندي تركيا انها مدينة حلوووووووووووة وفيها اماكن روعة نصيحتي روحي لها


تحياتي

:27: