و أخيراً تحقق الحلم ..

و الله مش مصدقه نفسي حاسه اني بحلم و خايفه اصحى منه
كانت احلى مفاجأه عرفتها بحياتي ياااااااه عن جد احساس ما ينوصف الله يرزق كل محرومه و يجبر كل خاطر و يذوقنا جميع الذريه الطيبه يا الله يا رحيم

حبيباتي قصتي كالآتي..

الصباح سويت اختبار منزلي و طلع مثل ما قلت لكم خط خفيييف جداً و ما صدقت نفسي قلت راح يختفي خلني اخليه ثلث ساعه و ارجع له و شفته غمق شوي بس مو وايد ... بصراحه كنت بين مصدقه و بين لا..
سكت و ما قلت حق زوجي... في الظهر رحت اشوف التحليل لقيته اغمق من قبل بس ما زال خفيف هنا فاتحته بالموضوع و قال لي طيب ليش ما قلتي لي عشان اخذج المستشفى تسوين تحليل دم الحين كلهم مسكرين .. قلت له لا تتحمس يمكن يكون الجهاز خربان :)
و العصر اول ما طلعنا من الدوام على طوووول اخذني المستشفى و هناك كنت متخوفه بعد ما اخذوا العينه قلت له ما ابي اقعد اخاف يصدمني و ما يكون فيه حمل قال لي طيب خلني اوديج السياره و ارجع آخذ النتيجه ... قلت له لا بانتظر معاك...
المهم حبيب قلبي دخل على الدكتور و يقول من كثر ماني فرحان بست الدكتور ههههه المهم اخذ النتيجه و طلع و قال لي يا اللا خلنا نمشي هنا حسيت بكسرة خاطر حسيت و بالعبره خانقتني و ماسكتها
المهم طول ما احنا في الطريق وهو يصبرني و يقول لي كل شي بأوانه و الحجي ههذا و بعدين لما دخلنا البيت و هو يصبرني وانا اقول له خلاص لا تتكلم اكثر و الا ترا هاااه ببجي و اقول له الحمد لله خيره.. المهم قام يضمني و يمسح على شعري و قمت ابجي و قال لي لا لا لا لا تبجين تعالي قعدي و ارتاحي و عيني من الله خير,, المهم قعدت عالكنب و هو قعد عند تحت عند رجولي و قال لي انتي "حااااااامل" انا هنا ما صدقت و قلت له كذاب كذاب كذاب و قعدت اضرب فيه و هو يقول لي صحيح بتصيرين ام و قمت ابجي و قلت له عطني النتيجه,, قال لي يعني مو مصدقتني قلت له لا ورني .. :) من الصدمه هههههه
و لما وراني النتيجه قمت ابجي و اضحك و مش عارفه شسوي و مسكين قام شالني و دار فيني و بعدين ضمني و قمنا نبجي :) ههههههههههه
و على طول قلت له توديني بيت اهلي افرحهم و احنا في الطريق قلت له ابي اتأكد و رحنا مستشفى ثاني و لما قالوا لنا موجب قمنا نناقز كأنّا تونا عارفين النتيجه هههههههههههههههههههههههههههههه بس الفرحه و ما تسوي و الحمد لله على كل حال و فعلاً كله بأمر الله و كله بوقت و ميعاد محدد
الله يرزق جميع المحرومات و يثبت حملي و جميع الحوامل و يسهل علينا الولاده << == تو الناس و تفكرين بالولاده ههههههههههه
ما ادري تصدقون اكتب و للحين مش مصدقه :)


يااااااااااااااه و اخيراً تحقق حلم الأمومه
بس فرحة امي كانت غير شكل بعدين اقولها :D

اعذروني على الاطاله حبيباتي