و الحل مع أبوي

السلام عليكم
حابه اطرح مشكلتي و ان شاء الله تساعدوني
انا بنت أبوي من قبيلة و أمي من قبيلة آخرى ومن جهة الوالد ما يتقبلونا و مقاطعين و من جهة الوالده كذلك لان الكل يشوفنا غرب ولهذا الشي لا اختلاط ولا زيارات مع أحد من الشغل للبيت و من البيت للشغل بمره جالسه مع وحده وتتكلم عن انها تجربة بنات خالها مع خطابات و انها ناويه تكلمها و فعلا بأسبوع الله يتمم لها وجدت طلبها و الاسبوع الثاني ملكت طبعا صارت تدور برأسي فكرة أكلم خطابه يعني عائله كبيره ولها أقارب و البنت طلعات وزيارات وزواجات و استعانت بخطابه انا وضعي غير كلمت خطابة وتعاونت وجابت لاكن الوالده ما قصرت شرشحت أم الولد وهزات فيها مع أنه مو من طبعها هذا الأسلوب أبد طبعا ما ذكروا انهم عن طريق خطابة الخطابه بسبب الوالده رفضت تكمل لي وتبحث صرت ادور خطابات و أمشي لأن زميلتي الثانيه أيضا في ظرف اسبوعين جابت لها و هذا خلاني أمشي و ادور صرت اطلب مواصفات على ما يبغون أهلي تركت نفسي و كل اتصال من ناس يرفضون كنت أقول خيره طبعا الرفض في المكالمة دون استقبال معلومات أو سؤال عنهم الأول رفض أبوي يبي حضر ما يبي بدو لأن xxxxxxxxxxxآمنت بالله تقدموا حضر 3 رفضهم بحكم واحد أنه راح يذلني بفلوسه و الثاني عمله مختلط وراح أتعب هذا كلام الوالد طبعا و الثالث ملتزم كل الملتزمين كذابين و الرابع لأنه طلع من نفس قبيلة الوالده صرت إشوف ملاحظات الوالد وارتب عليها طلبي من الخطابه و في مره لما جا واحد فيه كل ما طلب رفضه يبي من نفس قبيلتنا و نفس الفخذ و نفس المدينة انا حسيت الوالد كانت أعذاره بس للتصريف لاتقولون مصلحتك و ربي ما كتب أعرف هذا الشي لاكن تصرفاته ليش احسه ما يبي نتزوج مره سمعته بدون ما ينتبه يكلم أخوي يقول أتعب عليهم و أعطيهم ولد الناس يذوق حلاوة راتبهم بالله هذا كلام وترا أخوي نفس الشي ما يبينا نتزوج حتى ما يفضى عليه البيت و الوالده ما لها أي دور ضعيفة شخصية و لا تقولون كلميها لاني اكلمها و إحس بكل مره ترفع ضغطي بأسلوبها البارد وعدم اهتمامها ومشيها ورا الوالد
كل شخص جا يرفضه بدون ما يسأل عنه طبعا الباقين رفضهم لأنهم يبون يذلوني بغناهم مع العلم حالتنا جدا ممتازه و أكثر و كل اللي تقدموا مناصب عالية و حالات مادية فوق الممتازه جابت لي الخطابه الفقير و الغني البدوي والحضري الجاهل و المتعلم قريب و بعيد جابت من نفس القبيلة قبل ما يشترط ورفضهم بعدين رجع يشترط و غيرها
وبالنسبه لراتبي فمن أول يوم والبطاقه معه ولا عمري سحبته و لا أخذت منه ريال وأساسا موقعني على ورق لو تزوجت يكون له هذا أول ما توظفت
ولاتقولون اختلاطك بالشغل لأن بالشغل من الباب على المكتب ومعي الثنتين اللي تكلمت عنهم

ولا تقولون تكلمي معه لأنه من النوع اللي ما ينسى ويحقد وتبقى بقلبه و راح كل دقيقه يذكرني فيها بأسلوب و راح يكرهني

اتمنى مساعدتكم جزاكم الله عني خير الجزاء
والله إحس اني مخنوقه وفيني ضيقه مو طبيعيه كل الخطابات قلبوا علي و انا ما عندي إلا هم بتقولون لي الصلاة والرزق من الله لاكن انا أتكلم عن الأسباب
اتمنى تحسون فيني و تتركون الردود المثاليه و اللي يعصبون ويستحقرون الموضوع
لأنه هو حل كل مشاكلي اللي ما أبي أشرحها بالمنتدى
وغير أنه حل فهو حق من حقوقي