و الحل مع المشاغل الغير نظيفه

السلا عليكم ورحمه الله و بركاته

معاناتي مع القمل

البدايه كنت رايحه بصلح تسريحه و مكياج لزواج و زوجي ميزانيته كانت مو مره هذاك الشهر

المهم بحثت في النت لشي يتناسب مع ميزانيه زوجي و بنفس الوقت شغلهم حلو وحصلت ذاك المشغل

ورحت والمشغل معرووووف واسمه نار على علم في شمال الرياض يعني الناس المفروض الي في

هالمناطق ارقى من كذا وعا رضين صور فنانات من شغلهم

وصلحت تسريحتي ومكياجي وطلعت في اثناء الزواج احس بحكه وقلت يمكن السبراي مو زين او

اكثرت و حاولت اطنش قد ما اقدر و ما احك قدام الناس و اول ما رجعت تروشت استمرت الحكه

بعدها زرت امي قلت لها احس بحكه واني شاكه انها قمل قالت لا توسوسين نظيفه وش زينك يمكن

قشره عقبها جلسنا نسولف وامي تشوفني احك بقوه قالت بسك تعالي اشوف و فعلا لما ناظرت صار قمل

وفعلا طيران جابت مقص و قصت شعري في البيت لانه طويل و كل ما قصر صار اسهل للعنايه و

راحت الصيدليه تجيب لي شامبو و بخاخ و وصتني اغسل الكياس الوسايد بكلووريكس و اغير المفارش

تعبت والله ، كل يوم اتحمم و اتنظف موب وساخخه فيني ما اقول الا حسبي الله ونعم الوكيل على

هالمشاغل الي همها سحب فلوس وش بيضرهم لو كل عميله لها فرشه خاصه فيها واذا خلصت تاخذها


معها عشان ما يرجعون يستخدمونها مرره ثانيه


واذا انتي عارفه ان في شعرك قمل لا تروحين مشاغل الله يجزاك خير قصي في بيتك واعتني فيه و ثمن

روحي تجملي و تزبرقي


واذا انتي صاحبه مشغل اتمنى تتبنين فكرتي ولكل زبونه تدفع ١٠ ريال و تعطينها مشط خاص فيها << ترا الدرزن بيطلع ارخص من كذا عليك


المهم تراني طبت :35: بس حبيت اذكر سالفتي و احد يتبنى فكرتي