و الحل مع ام زوجي وغيرتها !!

السلام عليكم
تزوجت من سنتين وساكنه بمنطقه بعيده عن مدينه اهل زوجي ومانجيهم الا بأجازه الفطر والاضحى لان ماعنده اجازات الموهيم المدينه الي فيها اهل زوجي حلوه وفيها كل مقومات السياحه ولما ابي اطلع اقول لزوجي خل نتمشى طفشت يوافق بس احسه يشيل هم ويروح ياخذ اهله معي طبعا انا ماعندي مشكله بس هو يخاف لو طلعني يمشيني لوحدي يقولو عنه خروف زوجته والمرات الي نطلع فيها لوحدنا نرجع نلاقي امه مقلوبه وتجلس يومين مقلوبه على ..صرت اشيل هم لو ابي اطلع مع زوجي لازم نلف وندور ونقول رايحين المستشفى ولا نطلع عذر ضروري للطلعه عشان ماتنقهر !!
هوو طييب ومايقصر على بشي الحمدلله ويهمه مشاعر امه وانا والله متفهمه بس ليه كذا ماتبيني متهنيه واطلع واستانس مع ان بناتها ماشاءالله ازواجهم انواع الدلع والتمشيات وتفرح لهم طيب ليه ماتفرح لزوجه ولدها
كمااان لو شافتنا نتمازح او مستانسين احس وجهها يتغير بختصار تبي تشوفني مو مبسوطه ولاتبي زوجي يطلعني ويمشيني او حتى يهديني شي احس كذا من دقها بالكلام ولانها دايم تنقهر من زوجه اخوها لان زوجها يدلعها كثير ماشاءالله واكيد انا بعد تنقهر مني وش الحللل وفيه احد مثل ام زوجي
وكيف اقدر اطنشها ولا اشيل همها ؟؟